Маҷаллаи Сафо
Шеъру адаб
Маслиҳати муфид
Номаҳо
ЧАКОМАИ ИСТИҚЛОЛ
ИСТИҚЛОЛ
Шеър агар пар мекашад боғи тамошои туро,
Дар хати зар мекашад мазмуни зебои туро.
Эй хушо, бар ҳоли он шоир, ки дил саршори завқ
Сӯи дафтар мекашад оёти пайдои туро.
Баски медонад паёмат чист, рӯи лавҳ тифл
Як кабӯтар мекашад асли таманнои туро.
Дар набарди аждаҳои яъс бо килки умед
Дил музаффар мекашад симурғи фардои туро.
Сол сӣ шуд, то туро ҳар як парат шаҳпар шавад,
Зӯри шаҳпар мекашад он бурзу болои туро.
Кӯҳро аз сангхолӣ мекунад дар як нафас,
Он, ки дар бар мекашад аз шавқ минои туро.
Дар таги ҳар мисраи мавҷаш наҳанги орзуст,
Шеъри Озар мекашад фарёд дарёи туро.
СУБҲИ ИСТИҚЛОЛ
Эй дамида субҳи Истиқлолро,
Во макун аз дӯши мо ин болро.
Ин саодат, ин муҳаббат, ин баҳор,
Ин нишот, ин бахт, ин иқболро.
Ёд меоранд мардони ватан
Рустаму Исфандёр ё Золро.
Ҷуз Ватан ҳарфе надорам дар лабам,
Ман надорам дӯст қилу қолро.
Дар нигоҳи ошиқонат дидаам
Ваҷдрову шӯррову ҳолро.
З-офтобат бар тулӯи бахти халқ
Ман гирифтам беҳтарин як фолро.
Аз фару аз партават пайдо кунем,
Рӯзгори хубу беамсолро.
Ман ба сӣ соли ту хоҳам аз Худо
Садҳазорон моҳу рӯзу солро.
ОЗАР
Добавить комментарий
Ахбор
Маҷаллаи №6-2019
Серхонандаҳо
СУХАНРОНИИ РАИСИ ВИЛОЯТИ ХАТЛОН МУҲАТАРАМ ДАВЛАТАЛӢ САИД ДАР ФОРУМ ВА НАМОИШГОҲИ БАЙНАЛМИЛАЛИИ САЙЁҲӢ “ХАТЛОН-ҚАЛБИ ГАРМИ САЙЁҲӢ”
ШИНОСОИИ РАИСИ ВИЛОЯТ БО ЛОИҲАИ НАВИ БЕМОРХОНАИ КАСАЛИҲОИ ДИЛ ВА МАРКАЗИ ЭНДОКРИНОЛОГИЯИ ВИЛОЯТИ ХАТЛОН ДАР ШАҲРИ БОХТАР
Хатлон. Беш аз 190 ҳазор нафар кӯдакону наврасон ба истироҳату фароғат фаро гирифта мешаванд
БЕШ АЗ 3 ТОННА МАВОДҲОИ ДОРУВОРӢ СӮЗОНИДА ШУД
Ҷ. БАЛХӢ: БОЗДИДИ РАИСИ ВИЛОЯТ АЗ ҶАРАЁНИ ҶАМЪОВАРИИ ҲОСИЛ ВА КОРҲОИ СОЗАНДАГӢ
ТАҶДИДИ МАКТАБ, БУНЁДИ ИНШООТИ ВАРЗИШӢ ВА ТАҚВИЯТИ СОХТОРҲОИ ОТАШНИШОНӢ ДАР МАРКАЗИ ТАВАҶҶУҲИ РАИСИ ВИЛОЯТИ ХАТЛОН
Кӯлоб. 25 километр роҳ мумфарш мегардад
Ёвон. Ҷалби беш аз 10 ҳазор кӯдак ба истироҳатгоҳҳо
ЛЕВАКАНТ. КӮДАКОН БА ИСТИРОҲАТУ ФАРОҒАТ ФАРО ГИРИФТА ШУДААНД
ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ РӮЗИ ВАҲДАТИ МИЛЛӢ
