ХАТЛОН.РӮЗИ БАЙНАЛМИЛАЛИИ ҲИФЗИ КӮДАКОН ТАҶЛИЛ ГАРДИД

Дар шаҳри Бохтар, дар майдони 70-солагии Водии Вахш ба муносибати Рӯзи байналмилалии ҳифзи кӯдакон чорабинии бошукӯҳ баргузор гардид.

Дар чорабинии мазкур Анзурат Абдусаломзода, муовини раиси вилояти Хатлон, Абдулзода Зиёдулло, сардори Раёсати маорифи вилояти Хатлон, намояндагони мақомоти иҷроияи ҳокимияти давлатӣ, соҳаи маориф ва дигар сохторҳои марбута иштирок намуданд.

Саҳни майдон ба як олами рангини кӯдакон табдил ёфта, онҳо бо рақсу суруд, саҳначаҳои ҷолиб ва барномаҳои фарҳангӣ истеъдоди худро намоиш доданд. Ҳар як баромади онҳо бо кафкӯбиҳои гарми ҳозирин ва бо туҳфаҳо қадрдонӣ карда шуданд.

Инчунин, ғолибони озмунҳо ва кӯдакону наврасони фаъол дастовардҳои худро ба намоиш гузоштанд. Ин иқдом нишонаи таваҷҷуҳи пайваста ба рушди истеъдоди насли наврас арзёбӣ гардид.

Сипас муовини раиси вилояти Хатлон Анзурат Абдусаломзода чорабиниро ифтитоҳ намуда, паёми табрикии раиси вилояти Хатлон Давлаталӣ Саидро ба муносибати Рӯзи байналмилалии ҳифзи кӯдакон ироа намуд.

Зикр гардид, ки Рӯзи кӯдакон яке аз рӯзҳои пурфараҳ ва пурнишоти ҷаҳон ба шумор рафта, рамзи муҳаббат, ғамхорӣ ва эҳтиром ба насли наврас мебошад. Кӯдакон ҳамчун ояндаи дурахшони миллат ва неруи созандаи ҷомеа арзёбӣ мешаванд.

Дар Тоҷикистон, аз ҷумла дар вилояти Хатлон, ба масъалаи таълиму тарбия ва ҳифзи ҳуқуқи кӯдакон таваҷҷуҳи хоса зоҳир гардида, сол ба сол шароити таҳсилу фароғати онҳо беҳтар мегардад. Имрӯз дар муассисаҳои томактабии вилоят беш аз 138 ҳазор кӯдак ба таълиму тарбия фаро гирифта шудаанд. Корҳо ҷиҳати зиёд намудани фарогирии кӯдакон идома доранд.

Ҳамчунин дар паём зикр гардид, ки тарбияи фарзанд масъулияти муқаддаси падару модар ва тамоми ҷомеа мебошад. Муҳити солими оилавӣ, муҳаббат ва таваҷҷуҳи доимӣ заминаи асосии ташаккули шахсияти солиму ватандӯст ба шумор меравад.

Дар ин баробар аҳамияти Қонуни Ҷумҳурии Тоҷикистон «Дар бораи масъулият барои таълиму тарбияи кӯдак» ва нақши озмунҳои ҷумҳуриявӣ дар рушди зеҳни кӯдакон ишора карда шуд.

Дар қисми дигари чорабинӣ ба як қатор кӯдакону наврасони фаъол туҳфаҳо ва ифтихорномаҳо супорида шуд, ки ин лаҳзаҳо бо шодии кӯдакон ҳамроҳ гардид.

Дар анҷом барномаи рангини фарҳангӣ бо иштироки ҳунармандони наврас пешкаши ҳозирин гардид, ки хотири иштирокдоронро болида гардонид.

Бояд гуфт, ки ҳамасола дар вилояти Хатлон Рӯзи байналмилалии ҳифзи кӯдакон бо шукӯҳу шаҳомати хосса таҷлил гардида, дар доираи он як қатор чорабиниҳои фарҳангӣ ва варзишӣ баргузор мегарданд, ки ба рушди маънавӣ ва рӯҳбаландии насли наврас мусоидат мекунанд.

М. Маҳмадалиев

Похожие новости:

Добавить комментарий

Ахбор

ҶАЙҲУН. ҲОСИЛИ САБЗӢ ФАРОВОН АСТ 12:16 ШИНОСОИИ РАИСИ ВИЛОЯТ АЗ МАКОНИ БУНЁДИ НИШОНИ ДАВЛАТӢ ДАР НОҲИЯИ АБДУРАҲМОНИ ҶОМӢ 16:34 ДАР НОҲИЯИ АБДУРАҲМОНИ ҶОМӢ БИНОИ ИЛОВАГИИ ТАЪЛИМӢ БАРОИ 200 ХОНАНДА БА ИСТИФОДА ДОДА ШУД 15:30 БОЗДИД АЗ РАВАНДИ МУМФАРШКУНИИ РОҲИ МОШИНГАРДИ ДЕҲАИ КӮШОНОБОДИ НОҲИЯИ АБДУРАҲМОНИ ҶОМӢ 14:26 ИШТИРОКИ РАИСИ ВИЛОЯТ ДАР МАЪРАКАИ ПАХТАЧИНӢ ВА СУҲБАТ БО РАИСОНИ ҶАМОАТҲО ДАР НОҲИЯИ АБДУРАҲМОНИ ҶОМӢ 12:21 РАИСИ ВИЛОЯТ БО РАИСОНИ ШАҲРУ НОҲИЯҲО ҶАЛАСАИ КОРИИ МАҶОЗӢ БАРГУЗОР НАМУДАНД 12:11 ДАР НОҲИЯИ ЁВОН 10 ИНШООТИ ТОМАКТАБӢ БУНЁД МЕШАВАД 12:07 ДАВЛАТАЛӢ САИД БО САФИРИ БЕЛАРУС МАСЪАЛАҲОИ ГУСТАРИШИ ҲАМКОРИҲОИ ТИҶОРАТИЮ ИҚТИСОДӢ ВА КИШОВАРЗИРО БАРРАСӢ КАРДАНД 12:03

Маҷаллаи №6-2019

Серхонандаҳо

ДАЪВАТИ ТИРАМОҲӢ БА САФҲОИ ҚУВВАҲОИ МУСАЛЛАҲ ДАР ВИЛОЯТИ ХАТЛОН ДАР РӮЗИ АВВАЛ 76 ФОИЗ ИҶРО ШУД Дилрабои Ҳотамшо мураббии соли Тоҷикистон шуд “Хушдомани беҳтарин” муайян гардид ЭМОМАЛӢ РАҲМОН ЁВОН. МУМФАРШКУНИИ 3 КИЛОМЕТР РОҲИ МАҲАЛЛӢ ОҒОЗ ГАРДИД ДАВЛАТАЛӢ САИД БО САФИРИ БЕЛАРУС МАСЪАЛАҲОИ ГУСТАРИШИ ҲАМКОРИҲОИ ТИҶОРАТИЮ ИҚТИСОДӢ ВА КИШОВАРЗИРО БАРРАСӢ КАРДАНД МАРДИ МЕҲНАТ Гулҳои Гулсара 5 МАҲСУЛОТИ НОДИР БАРОИ САЛОМАТӢ ЗАБОН- НЕЪМАТИ БЕБАҲОИ МИЛЛАТ