16 май 15:07АСОСӢ / Ахбор / Ҷамъият / Иҷтимоъ / Иқтисод / Сохтмон ва меъморӣ

ҶАЙҲУН. 1,1 КИЛОМЕТР РОҲ МУМФАРШ КАРДА ШУД

Ҷиҳати шоиста истиқбол намудани ҷашни 35 – солагии Истиқлоли давлатии мамлакат, таъмиру таҷдиди роҳҳо дар ноҳияи Ҷайҳун бо маром идома доранд.

Аз ҷумла, дар доираи Лоиҳаи таъмиру мумфаршнамоии роҳҳои марказии ноҳияи Ҷайҳун, аз ҷониби Дирексияи сохтмони иншооти ҳукуматии Дастгоҳи Иҷроияи Президенти Ҷумҳурии Тоҷикистон, 1,1 километр роҳи марказӣ асфалтпӯш гардида, ба талаботи муосири роҳсозӣ мутобиқ карда шуд.

Дар ин хусус аз мақомоти иҷроияи ҳокимияти давлатии ноҳияи Ҷайҳун ба “Сафо” иттилоъ доданд.

Иттилоъ дода шуд, ки корҳои мумфаршнамоӣ аз ҷониби ҶДММ “Даҳбедиён” иҷро гардида, дар рафти кор даҳҳо нафар сокинони маҳаллӣ бо ҷойи кори муваққатӣ ва маоши хуб таъмин гаштанд.

Роҳи мазкур бо истифода аз техникаҳои махсуси муосири роҳсозӣ мумфарш гардида, барои рафтуомади воситаҳои нақлиёт шароити хубе фароҳам меорад.

Аз рафти асфалтпӯш кардани роҳи мазкур раиси ноҳияи Ҷайҳун Ализод Азизулло Муҳибулло дидан карда, ба сохтмончиён дастуру маслиҳатҳои судманд додааст.

Гуфта шуд, ки ҳамин гуна иқдомҳои созанда дар тамоми ҷамоатҳои шаҳраку деҳоти ноҳияи Ҷайҳун минбаъд низ идома ёфта, марҳила ба марҳила роҳҳои маҳаллӣ таъмиру таҷдид карда мешаванд.

С. СУЛТОНОВ

Похожие новости:

Добавить комментарий