ЁВОН. БОЗДИДИ РАИСИ ВИЛОЯТ АЗ РАФТИ БАРТАРАФСОЗИИ ОҚИБАТҲОИ ОФАТИ ТАБИӢ ВА СУҲБАТ БО СОКИНОНИ ЗАРАРДИДА

Имрӯз, 5 май, раиси вилояти Хатлон Давлаталӣ Саид бо мақсади шиносоӣ аз вазъи баамаломада, рафти корҳои бартарафсозии оқибатҳои офати табиӣ ва дастгирии сокинони зарардида ба ноҳияи Ёвон сафари корӣ анҷом доданд.

Нахуст, раиси вилоят дар деҳоти Ситораи Сурх бо сокинони маҳаллӣ мулоқот намуда, аз вазъи зиндагии оилаҳои осебдида ва корҳои анҷомёфта аз наздик шинос шуданд. Зимни суҳбат бо мардум таъкид гардид, ки ҷиҳати тоза намудани манзилҳои истиқоматӣ, барқарорсозии инфрасохтори зарардида ва таъмини оилаҳои осебдида бо маводи ғизоӣ ва масолеҳи сохтмонӣ тамоми тадбирҳои зарурӣ амалӣ карда мешаванд.

Сипас, ҳайати корӣ ба деҳаи Пахтакор ҳаракат намуда, аз рафти корҳои бартарафсозии оқибатҳои офати табиӣ дар селпартои №С-8 боздид ба амал намуданд. Ба масъулон ҷиҳати тезонидани корҳои барқарорсозӣ, истифодаи самараноки техника ва сафарбар намудани қувваҳои иловагӣ дастуру супоришҳои мушаххас дода шуд.

Дар идомаи сафар раиси вилоят ба деҳаи Фирдавсӣ рафта, аз ҳолати хонаҳои осебдида ва рафти корҳои бартарафсозии зарари офати табиӣ шинос гардиданд. Таъкид карда шуд, ки корҳои барқарорсозӣ бояд бо сифати баланд ва дар муҳлатҳои кӯтоҳ анҷом дода шаванд.

Ҳамчунин, дар деҳаи Рӯдакӣ аз рафти корҳои анҷомёфта дар маҳаллаи мазкур боздид сурат гирифта, ба масъулин барои идомаи корҳои ободониву барқарорсозӣ тавсияҳои зарурӣ пешниҳод гардид.

Дар деҳаи Навобод раиси вилоят бо гурӯҳи корӣ ва аъзои комиссия оид ба ҳолатҳои фавқулодда суҳбат анҷом дода, масъалаҳои вобаста ба бартарафсозии оқибатҳои офати табиӣ, арзёбии ҳаҷми зарар ва расонидани кӯмак ба аҳолӣ мавриди баррасӣ қарор гирифтанд.

Сипас, дар шаҳраки Ҳаёти Нав аз ҳолати фурӯравии заминҳо дар деҳаи 8-Март ва муассисаи таҳсилоти миёнаи умумии №59 боздид ба амал оварда шуд. Барои таъмини бехатарии аҳолӣ ва хонандагон, инчунин пешгирии ҳолатҳои эҳтимолии хатарнок, ба масъулон дастурҳои қатъӣ дода шуданд.

Дар анҷоми сафар, раиси вилояти Хатлон ба деҳоти Норин рафта, аз рафти корҳои барқарорсозии канали магистралӣ дар шохоби рост, соҳилмустаҳкамкунӣ ва бартарафсозии оқибатҳои ҳодисаи рухдода дар назди роҳи оҳани Кӯлоб–Ёвон–Душанбе шиносоӣ пайдо карданд.

Раиси вилоят таъкид намуданд, ки бартарафсозии пурраи оқибатҳои офати табиӣ, дастгирии ҳамаҷонибаи аҳолии зарардида ва барқарор намудани инфрасохтори осебдида зери назорати доимии мақомоти иҷроияи ҳокимияти давлатии вилояти Хатлон қарор дорад.

Хадамоти матбуоти раиси вилояти Хатлон

Похожие новости:

Добавить комментарий

Ахбор

БОХТАР. ФУТБОЛИ ЗАНОНА ДАР МЕҲВАРИ ТАВАҶҶУҲ 13:48 БОХТАР. БЕШ АЗ 11 ҲАЗОР НАФАР КӮДАКОНУ НАВРАСОН БА ИСТИРОҲАТ ФАРО ГИРИФТА МЕШАВАНД 16:49 ДОНОРОНИ ХУН ЗИЁД ШУДААНД 13:01 ДАНҒАРА. МАЙДОНЧАИ НАВИ ВАРЗИШӢ ИФТИТОҲ ГАРДИД 15:05 Ҷ. БАЛХӢ. АЗ НАҚША ЗИЁД ИНШООТ БУНЁД ШУД 15:02 РАИСИ ВИЛОЯТИ ХАТЛОН БА ХОНАВОДАИ МАРҲУМ ФАЙЗАЛӢ РАҲИМОВ ИЗҲОРИ ҲАМДАРДӢ НАМУДАНД 16:55 РАИСИ ВИЛОЯТИ ХАТЛОН АЗ РАФТИ КОРҲОИ КИШОВАРЗӢ ДАР НОҲИЯИ ПАНҶ БОЗДИД НАМУДАНД 14:49 РАИСИ ВИЛОЯТИ ХАТЛОН БО ПАЁМАДҲОИ ОФАТИ ТАБИӢ ДАР НОҲИЯИ ПАНҶ АЗ НАЗДИК ШИНОС ШУДАНД 12:43

Маҷаллаи №6-2019

Серхонандаҳо

ФОРУМИ БАЙНАЛМИЛАЛИИ САЙЁҲӢ ДАР ЧИЛДУХТАРОНИ МУЪМИНОБОД МУЛОҚОТИ РАИСИ ВИЛОЯТИ ХАТЛОН ДАВЛАТАЛӢ САИД БО НАМОЯНДАГОНИ МАГАТЭ: ТАҲКИМИ ҲАМКОРИҲО БАРОИ РУШДИ СОҲАИ ТАНДУРУСТӢ ДОНОРОНИ ХУН ЗИЁД ШУДААНД Ҷ. БАЛХӢ. АЗ НАҚША ЗИЁД ИНШООТ БУНЁД ШУД ДАНҒАРА. МАЙДОНЧАИ НАВИ ВАРЗИШӢ ИФТИТОҲ ГАРДИД БОХТАР. БЕШ АЗ 11 ҲАЗОР НАФАР КӮДАКОНУ НАВРАСОН БА ИСТИРОҲАТ ФАРО ГИРИФТА МЕШАВАНД Ҷ. Балхӣ. Мумфаршкунии 6 километр роҳ оғоз гардид БОХТАР. ФУТБОЛИ ЗАНОНА ДАР МЕҲВАРИ ТАВАҶҶУҲ ФУРӮҒИ МАЪРИФАТ ДАР ЯК ХОНАДОНИ ТОҶИК ҶОМЕАИ ҚОНУНМЕҲВАР – КАФИЛИ ФАРДОИ ДУРАХШОН