Салом, эй Пешво!

Салом, эй Пешво, эй падар, эй сарвар ва эй наздиктарин нафар бар ҳар ятиму бенаво!

 Ман Дилафрўз Тағаймуродова, яке аз фарзандони Шумоям, ки зери сояи дасти Шумо будаму ранҷи ятимиро эҳсос накардам. Калон шудам, ба воя расидам ва акнун барои касби илм талош меварзам. 

Ман хатмкардаи муассисаи таҳсилоти миёнаи умумии №6-и шаҳри Бохтар мебошам. Бо вуҷуди он ки тақдир дар тифлиам, замоне ки бояд меҳрубониҳо медидаму аз оғўши онҳо сер мешудам, замоне ки сари бозуи падар менишастаму падар маро чун дигар падарони ҳамсолонам алвонҷ медоду боли парвоз кушодан ба дуриҳои дур, ба сўи лонаи умед, сўи зиндагии мустақил меомўхт, падару модарамро аз ман рабурд, Шумо Падари азиз, сари мо- ятимонро сила кардед, моро падару модар шудеду дар оғўшатон парваридед.

Акнун ман донишҷўям, касби илм мекунаму, мехоҳам ҷавобан ба ин ғамхориҳоятон мисли фарзанде, ки дар пирӣ дасти падар мегираду гарди рухсорахояшро пок мекунад, касберо омўзаму барои ин миллат хидмате карда бошам. Соҳибкасб шаваму сари ятимеро сила намоям. Чунки ин амали некро мо дар хисоли Шумо, Падари азиз, дидаему омўхтаем. 

Бо дили саршор аз меҳр, аз садоқат ва самимияту боҷиддият ба Шумо изҳори сипос менамоям.

                                               Дилафруз ТАҒАЙМУРОДОВА