ҶӮРОБҲОИ "MADE IN TAJIKISTAN" ДАР БОХТАР

Дар маркази маъмурии вилояти Хатлон – шаҳри Бохтар, масъулини ширкати “Сомон байк” ба истеҳсоли ҷӯробҳои "Made in Tajikistan" шурӯъ карданд. Аллакай ҷӯробҳои истеҳсолшуда дар бозорҳои маркази вилоят ва берун аз он харидорони худро пайдо кардааст.
Ба иттилои як масъули сехи дӯзандагии корхона Зафар Шарифов ҷӯробҳои истеҳсолшуда аз 3 то 6 сомонӣ арзиш дошта, дар як сол як миллион ҷуфт истеҳсол карда мешавад.
Номбурда ҳамчунин афзуд, ки масъулини корхона ният доранд, солҳои оянда истеҳсоли ҷӯробҳои тоҷикиро зиёд, карда онро ба хориҷи кишвар содирот намоянд.
Бояд гуфт, ки баъд аз пош хурдани Иттифоқи Шӯравӣ ин аввалин коргоҳест, ки дар маркази маъмурии вилояти Хатлон – шаҳри Бохтар ба истеҳсоли ҷӯробҳои тоҷикӣ шурӯъ кардааст.
                                             Сулаймон Султонов