Дилрабои Ҳотамшо мураббии соли Тоҷикистон шуд

Дар пойтахти мамлакат шаҳри Душанбе, даври ниҳоии озмуни ҷумҳуриявии “Мураббии соли Тоҷикистон – 2026” ҷамъбаст гардида, мураббии Муассисаи таҳсилоти томактабии №7 “Булбулакони”-и шаҳри Бохтар Дилрабои Ҳотамшо сазовори ҷойи аввал гардид.

Дар ин хусус мудири шуъбаи маорифи шаҳри Бохтар Шоиста Абдуназарзода ба “Сафо” иттилоъ дод.

Номбурда гуфт, ки ин дастоварди арзанда барои кулли кормандони соҳаи маорифи шаҳри Бохтар аҳамияти хос дошта, пас аз 16 сол, ин унвони арзанда дубора насиби мураббии шаҳри Бохтар гардид.

Зикр гардид, ки Дилрабои Ҳотамшо ҳамчун намояндаи вилояти Хатлон дар даври ниҳоии ин озмун фаъолона иштирок намуда, бо маҳорати баланди касбӣ, таҷрибаи пешқадами педагогӣ ва қобилияти зиёди эҷодӣ миёни беҳтарин мураббиёни муассисаҳои таҳсилоти томактабии кишвар унвони баланди “Мураббии соли Тоҷикистон – 2026” – ро ба даст овард.

Мавриди зикр аст, ки Дилрабои Ҳотамшо муаллифи дастурҳои методии “Банақшагирии машғулиятҳои таълимӣ” ва “Донишнома” буда, беш аз шаш мақолаи илмӣ – методӣ таҳия кардааст. Маҳсули заҳматӣ ӯ дар фаъолияти сармураббиён ва мураббиёни муассисаҳои томактабӣ ҳамарӯза истифода бурда мешавад.

Дар маросими ҷамъбасти ин озмуни сатҳи баланд муовини Сарвазири мамлакат Дилрабо Мансурӣ ва вазири маориф ва илми Ҷумҳурии Тоҷикистон Раҳим Саидзода иштирок намуда, ғолиби озмунро бо ҷоиза ва мукофоти пулӣ қадрдонӣ намуданд.

С. СУЛТОНОВ

Похожие новости:

Добавить комментарий

Ахбор

Дилрабои Ҳотамшо мураббии соли Тоҷикистон шуд 11:45 ЭМОМАЛӢ РАҲМОН 15:25 5 МАҲСУЛОТИ НОДИР БАРОИ САЛОМАТӢ 12:51 Тоҷикистон аз нигоҳи 35 шаҳрванди хориҷӣ 12:46 Тоҷикистон аз нигоҳи 35 шаҳрванди хориҷӣ 12:41 Умеди аввалу охир 12:38 ДАЪВАТИ ТИРАМОҲӢ БА САФҲОИ ҚУВВАҲОИ МУСАЛЛАҲ ДАР ВИЛОЯТИ ХАТЛОН ДАР РӮЗИ АВВАЛ 76 ФОИЗ ИҶРО ШУД 11:14 НАТИҶАИ ЗАҲМАТ ВА ТАЛОШ 15:23

Маҷаллаи №6-2019

Серхонандаҳо

ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН ОЗМУНИ “РӮДАКИХОНӢ” БАРГУЗОР ГАРДИД Хатлон. Дастоварди варзишгарон шоёни таҳсин аст Қасри фарҳанги ноҳияи Ҷайҳун пурра таъмиру навсозӣ гардид Дар Бохтар нақшаи ҷамъоварии ҳосили пахта иҷро шуд ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ ХАТЛОН. 271 ИНШООТИ СОҲАИ МАОРИФ СОХТА МЕШАВАД “Хушдомани беҳтарин” муайян гардид БОХТАР – ШАҲРИ РУШДУ БУНЁДКОРӢ СУРУДИ МИЛЛӢ КАЙ САДО ДОД?