БОЗДИДИ РАИСИ ВИЛОЯТИ ХАТЛОН АЗ РАФТИ СОХТМОНИ БИНОИ НАВИ ТАЪЛИМӢ ДАР ШАҲРИ ЛЕВАКАНТ

ЛЕВАКАНТ, 30 октябр. Раиси вилояти Хатлон Давлаталӣ Саид зимни сафари корӣ ба шаҳри Левакант бо рафти корҳои сохтмонии бинои нави таълимӣ дар назди муассисаи таҳсилоти миёнаи умумии №6, воқеъ дар деҳаи Гурдондеҳ, шинос гардиданд.

Бо мақсади беҳтар намудани шароити таълиму тарбия, таҳкими заминаи моддию техникии муассисаҳои таълимӣ ва таъмини хонандагон бо ҷойи нишасти иловагӣ дар назди муассисаи мазкур сохтмони бинои нави таълимӣ ба нақша гирифта шудааст.

Бинои нав дуошёна буда, аз 16 синфхона иборат мебошад ва барои 840 ҷойи нишаст дар ду баст пешбинӣ гардидааст. Арзиши умумии лоиҳа 6,2 миллион сомониро ташкил дода, маблағгузории корҳои сохтмонӣ аз ҷониби сокинони ватандӯсти деҳа ва оилаи Икромовҳо ба зимма гирифта шудааст.

Лоиҳаи бино аз ҷониби ҶДММ «Хатлон лоиҳасоз» таҳия гардида, дар он тамоми шароити зарурӣ барои баргузории машғулиятҳои таълимӣ ва фароҳам овардани муҳити мусоиди омӯзишӣ ба назар гирифта шудааст.

Зимни боздид раиси вилояти Хатлон ба аҳаммияти бунёди чунин иншооти иҷтимоӣ дар рушди соҳаи маориф ва фароҳам овардани шароити муносиб барои таҳсили насли наврас таваҷҷуҳ зоҳир намуд.

Таъкид гардид, ки бунёди синфхонаҳои иловагӣ барои бартараф намудани норасоии ҷойи нишаст, зиёд намудани имконияти қабули хонандагон ва беҳтар гардидани шароити фаъолияти омӯзгорон мусоидат хоҳад кард.

Ҳамзамон, саҳми сокинони деҳаи Гурдондеҳ ва оилаи Икромовҳо дар бунёди иншооти таълимӣ намунаи ибратбахши ташаббусҳои созандаи аҳолӣ дар самти ободонии маҳал ва рушди соҳаи маориф арзёбӣ мегардад.

Бояд гуфт, ки ҷалби сокинон ва соҳибкорони ватандӯст ба корҳои созандагиву бунёдкорӣ, бахусус дар самти сохтмони муассисаҳои таълимӣ, барои фароҳам овардани шароити мусоиди таҳсил ва тарбияи насли донишманду соҳибмаърифат заминаи муҳим мегузорад.

Хадамоти матбуоти раиси вилояти Хатлон

Похожие новости:

Добавить комментарий

Ахбор

БОЗДИДИ РАИСИ ВИЛОЯТИ ХАТЛОН АЗ РАФТИ СОХТМОНИ БИНОИ НАВИ ТАЪЛИМӢ ДАР ШАҲРИ ЛЕВАКАНТ 13:44 МУЖДА: ШАҲРИ ЛЕВАКАНТ ДУРНАМОИ ҶАМЪОВАРИИ ҲОСИЛИ ПАХТАРО 100 ФОИЗ ИҶРО КАРД 13:40 ҶАЙҲУН. ҲОСИЛИ САБЗӢ ФАРОВОН АСТ 12:16 ШИНОСОИИ РАИСИ ВИЛОЯТ АЗ МАКОНИ БУНЁДИ НИШОНИ ДАВЛАТӢ ДАР НОҲИЯИ АБДУРАҲМОНИ ҶОМӢ 16:34 ДАР НОҲИЯИ АБДУРАҲМОНИ ҶОМӢ БИНОИ ИЛОВАГИИ ТАЪЛИМӢ БАРОИ 200 ХОНАНДА БА ИСТИФОДА ДОДА ШУД 15:30 БОЗДИД АЗ РАВАНДИ МУМФАРШКУНИИ РОҲИ МОШИНГАРДИ ДЕҲАИ КӮШОНОБОДИ НОҲИЯИ АБДУРАҲМОНИ ҶОМӢ 14:26 ИШТИРОКИ РАИСИ ВИЛОЯТ ДАР МАЪРАКАИ ПАХТАЧИНӢ ВА СУҲБАТ БО РАИСОНИ ҶАМОАТҲО ДАР НОҲИЯИ АБДУРАҲМОНИ ҶОМӢ 12:21 РАИСИ ВИЛОЯТ БО РАИСОНИ ШАҲРУ НОҲИЯҲО ҶАЛАСАИ КОРИИ МАҶОЗӢ БАРГУЗОР НАМУДАНД 12:11

Маҷаллаи №6-2019

Серхонандаҳо

ДАЪВАТИ ТИРАМОҲӢ БА САФҲОИ ҚУВВАҲОИ МУСАЛЛАҲ ДАР ВИЛОЯТИ ХАТЛОН ДАР РӮЗИ АВВАЛ 76 ФОИЗ ИҶРО ШУД Дилрабои Ҳотамшо мураббии соли Тоҷикистон шуд ДАВЛАТАЛӢ САИД БО САФИРИ БЕЛАРУС МАСЪАЛАҲОИ ГУСТАРИШИ ҲАМКОРИҲОИ ТИҶОРАТИЮ ИҚТИСОДӢ ВА КИШОВАРЗИРО БАРРАСӢ КАРДАНД ЭМОМАЛӢ РАҲМОН ЁВОН. МУМФАРШКУНИИ 3 КИЛОМЕТР РОҲИ МАҲАЛЛӢ ОҒОЗ ГАРДИД МАРДИ МЕҲНАТ Гулҳои Гулсара 5 МАҲСУЛОТИ НОДИР БАРОИ САЛОМАТӢ ЗАБОН- НЕЪМАТИ БЕБАҲОИ МИЛЛАТ ПАНДИ МОДАР