Маҷаллаи Сафо
Шеъру адаб
Чеҳра
Маслиҳати муфид
Номаҳо
06 авг 04:27Мақомот
Ободгари Ватан
Бо эълон гардидани солҳои 2019-2021 Солҳои рушди деҳот, сайёҳӣ ва ҳунарҳои мардумӣ дар кишвар, аз ҷумла дар вилояти Хатлон корҳои ободонию созандагӣ вусъати тоза пайдо намуда, ҳамарӯза пайки наве аз ҳар канори вилоят бобати қомат афрохтани иншоотҳои хуштарҳу муосир ва навгоние мерасад. Имрӯзҳо бо шарофати ваҳдату суботи ҷомеа дар кишвар сокинон бо ҳисси гарми ватандӯстӣ, бо шукргузорӣ аз осудагӣ ва фазои тинҷу софи Ватан дар корҳои ободонӣ, кабудизоркунӣ, гулпӯшу сарсабз намудани диёр саҳм мегиранд. Раванди бунёдкориҳо дар вилояти Хатлон касро хушбин ба зиндагагии шоиставу хуштар роҳнамоӣ мекунад.Ба истиқболи ҷашни 30-солагии Истиқлолияти давлатии Ҷумҳурии Тоҷикистон, оид ба иҷрои сари вақтии дастуру супоришҳои Пешвои миллат ва эълон гардидани солҳои 2019-2021 Солҳои рушди деҳот, сайёҳӣ ва ҳунарҳои мардумӣ ва ҷиҳати фароҳам овардани шароити мусоид ба соҳибкорон ва ҳавасманд гардонидани онҳо қарори раиси вилояти Хатлон дар бораи озмуни вилоятии «Ободгари Ватан» ба тасвиб расида буд. Дар ин давра аз ҷониби соҳибкорон ва шахсони хайрхоҳ роҳҳо мумфарш, мактаб, синфҳонаҳои иловагӣ, бунгоҳи тиббӣ, биноҳои баландошёна бунёд ва мавриди баҳрабардорӣ қарор гирифтанд. Соҳибкорон аз шаҳру навоҳии Бохтар, Кӯлоб, Кӯшониён, Вахш, Панҷ, Ҷайҳун, Ёвон, Данғара, Дӯстӣ, Восеъ, Ҳамадонӣ, Носири Хусрав, Хуросон, ки дар бунёди майдони Парчам ва Нишони давлатӣ, ҳаммом, ободонии боғҳои фарҳангӣ, толор ва майдонҳои варзишӣ, марказҳои саломатӣ ва ғайра саҳм гирифтанд, ғолиби озмуни вилоятии «Ободгари Ватан» дониста шуданд. Ғолибони озмуни мазкур дар маҷлиси васеъ оид ба ҷамъбасти натиҷаҳои тараққиёти иқтисодию иҷтимоии вилоят дар шаш моҳи соли 2019, ки таҳти роҳбарии раиси вилояти Хатлон Ҳакимзода Қурбон доир гардид, бо сипоснома ва туҳфаҳои хотиравии мақомоти иҷроияи ҳокимияти давлатии вилояти Хатлон қадрдонӣ гаштанд.
Л. МИРЗО
«САФО»
Добавить комментарий
Ахбор
АНҶИР: ҲАМ ҒИЗО, ҲАМ ДАВО 11:36ХӮРИШ АЗ АНҶИР 11:33НӮШОБА АЗ АНҶИР 11:30ХУШХАБАР. ЧИЛ (КАБКИ ЗИРАК) ПАРАНДАИ СОЛИ 2026 ЭЪЛОН ШУД 11:22БОХТАР – АЗ ТАШАББУС ТО ТАБОБАТИ МУОСИР 11:17ТАҚДИМИ ТУҲФАИ ПЕШВОИ МИЛЛЛАТ -"ШОҲНОМА"-И ҲАКИМ ФИРДАВСӢ БА СОКИНОНИ НОҲИЯИ КӮШОНИЁН 11:27То, эй ғазал, ба гуфтанат оғоз кардаам 11:25БОХТАР. ДАР ДАҲ МОҲ 43 ИНШООТ БУНЁД ШУД 14:20
Маҷаллаи №6-2019
Серхонандаҳо
ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА ИФТИХОРИ РӮЗИ ПРЕЗИДЕНТИ ҶУМҲУРИИ ТОҶИКИСТОН
ФЕСТИВАЛИ ВИЛОЯТИИ "ЛИБОСИ МИЛЛӢ - ОСОРИ ТАМАДДУНИ ҶАҲОН" ДАР ВИЛОЯТИ ХАТЛОН
ЁВОН. БЕШ АЗ 60 КИЛОМЕТР РОҲ МУМФАРШ КАРДА ШУД
“ШОҲНОМА” БА БОХТАР ҲАМ РАСИД
ОЗМУНИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН БАРГУЗОР ГАРДИД
Тақдими “Шоҳнома” ба сокинони ноҳияҳои Вахшу Абдураҳмони Ҷомӣ
БОХТАР. ДАР ДАҲ МОҲ 43 ИНШООТ БУНЁД ШУД
Бунёди бинои 5 ошёнаи Раёсати суғуртаи иҷтимоӣ ва нафақа дар вилояти Хатлон
ФАРЗАНДИ ШУҶОЪ
БИЁ, МО НАРАВЕМ
