“Занбурӯғ” 3 нафар узви як оиларо ба ҳалокат расонд

27-уми марти соли ҷорӣ 11 нафар узви як оила аз деҳаи Комсомоли Ҷамоати деҳоти “Заргар”-и ноҳияи Кӯшониён пас аз истеъмоли шакароби дар банка маҳкамкардашуда заҳролуд гашта, се нафари онҳо вафот карданд.
Тавре зимни суҳбат сардухтури беморхонаи Ҷамоати деҳоти “Заргар”-и ноҳияи болозикр Идибек Боймуродзода  иброз кард, шаби 27-уми март 11 нафар оилаи Солиевҳо бо дарди шадид ба беморхона оварда шуданд. Пас аз ёрии аввал расонидан онҳо фавран ба беморхонаи вилоятии ба номи Бӯрӣ Воҳидов интиқол дода шуданд. Як кӯдаки се солаи ин оила рӯзи якуми апрел ва як зану як кӯдаки дигари ин оила рӯзи дуюми апрел аз дунё гузаштанд. 
Ташхиси тиббӣ маълум кард, ки ҳамаи онҳо пас аз истеъмоли занбурӯғи сафед (бледная поганка), ки дар банка маҳкам карда шуда буд, заҳролуд шудаанд. 
Идибек Боймуродзода ҳамчунин иттилоъ, дод, ки вазъи саломатии боқимондаи узви ин оила вазнин мебошад ва табибон барои сиҳатшавии онҳо тамоми кори аз дасташон меомадаро иҷро карда истодаанд.
Сулаймон СУЛТОНОВ