Таҷрибаи ибратбахш

  Деҳқони асилу ботаҷриба сокини шаҳри Бохтар Юнусалӣ Қушоқов бо дарки масъулияти баланди ватандорӣ, иҷрои дастуру ҳидоятҳои созандаи Ҳукумати Ҷумҳурии Тоҷикистон ҳар сол аз замин 3 – 4 ҳосил бардошта, аз қитъаҳои замини наздиҳавлигӣ ва хоҷагии деҳқониаш ҳамроҳи аҳли оила самаранок истифода мебарад. Тавассути чанд гармхонаи доимоамалкунанда ва мавсимӣ ҳосили хуби бодирингу помидор  ба даст оварда, бодирингу помидори барвақтиро ба бозор мебарорад.

  Дар баробари ин ҳар сол ин деҳқони ботаҷриба то 50 – 100 ҳазор кучати помидору бодирингро ба савдо бароварда, дигар заминистифодабарандагонро бо кучати барвақтӣ таъмин мекунад.

Аз боғи шафтолую себ, зардолую бодом ҳосили хуби мева ба даст оварда, имсол низ тавассути обмонӣ ва дудандозӣ ҳосилро аз талафёбӣ то андозае эмин нигоҳ доштанд.

Таҷрибаи чунин деҳқонони асилро дар амал ҷорӣ кардан ба манфиати кор мебошад.