Рақобати беш аз 250 ҳаваскор дар озмун

Имрӯз даври вилоятии озмуни ҷумҳуриявии "Тоҷикистон ватани азизи ман" дар шаҳри Бохтар оғоз гардид.
Дар озмун аз рӯи се номинатсия: сарояндагӣ, навозандагӣ ва оҳангсозӣ наврасону ҷавонон ва ҳаваскорони санъату ҳанар аз 25 шаҳру навоҳии вилояти Хатлон иштирок мекунанд.
Ҳайати ҳакамон, ки дар он сарояндагону навозандагон, оҳангсозону хунармандон ва коршиносони соҳа шомил мебошанд, аз миёни довлатабон беҳтаринҳоро интихоб намуда, ба даври ҷумҳуриявии озмун роҳхат медиҳанд.
Тибқи иттилои Раёсати фарҳанги вилояти Хатлон дар даври шаҳрию ноҳиявии озмун дар маҷмӯъ 516 нафар довталабон ширкат варзида, аз он 251 нафарашон ба даври вилоятӣ роҳ ёфтаанд.
Озмуни мазкур то 20-уми октябри соли ҷорӣ дар толори театри вилоятии мусиқӣ-мазҳакавии ба номи Ато Муҳаммадҷонови шаҳри Бохтар идома меёбад.
                  Амонҷон Маҳкамов "САФО"