Маҷаллаи Сафо
Шеъру адаб
Маслиҳати муфид
Номаҳо
“Хушдомани беҳтарин” муайян гардид
Дар вилояти Хатлон даври вилоятии озмуни ҷумҳуриявии “Хушдомани беҳтарин” ҷамъбаст гардида, ҷойи аввалро Аноргул Сайдалиева аз ноҳияи Данғара сазовор шудааст.
Дар ин хусус Кумитаи кор бо занон ва оилаи назди Ҳукумати Ҷумҳурии Тоҷикистон дар саҳифаи фейсбукии ниҳоди хеш хабар додааст.
Дар хабар омадааст, ки озмуни мазкур бо мақсади баланд бардоштани мақоми зан дар ҷомеа, таҳкими фарҳанги оиладорӣ, арҷгузорӣ ба арзишҳои миллӣ, тарғиби одоби муносибатҳои оилавӣ ва эҳтироми анъанаҳои неки ниёгон баргузор гардида, дар он хушдоманҳои фаъолу соҳибтаҷриба аз шаҳру ноҳияҳои вилояти Хатлон иштирок намудаанд.
Муайян гардид, ки дар ин озмуни сатҳи баланд ҷойи аввал насиби Аноргул Сайдалиева аз ноҳияи Данғара, ҷойи дуюм ба ду нафар иштирокчӣ – Султонбӣ Қаюмова аз шаҳри Кӯлоб ва Шоҳзода Комилова аз ноҳияи Муъминобод ва ҷойи сеюм насиби се нафар иштирокчӣ – Ёдгорбӣ Ашурова аз ноҳияи Ҳамадонӣ, Розия Холова аз ноҳияи Ёвон ва Гулбаҳор Қазоқова аз шаҳри Левакант гаштааст.
Ба ғолибони озмун аз ҷониби намояндагони Кумитаи кор бо занон ва оилаи назди Ҳукумати Ҷумҳурии Тоҷикистон дар вазъияти тантанавӣ сипосномаҳо ва дигар туҳфаҳои арзишманд тақдим карда шудааст.
С. СУЛТОНОВ
Добавить комментарий
Ахбор
Маҷаллаи №6-2019
Серхонандаҳо
ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН
Хатлон. Дастоварди варзишгарон шоёни таҳсин аст
Қасри фарҳанги ноҳияи Ҷайҳун пурра таъмиру навсозӣ гардид
ОЗМУНИ “РӮДАКИХОНӢ” БАРГУЗОР ГАРДИД
ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ
Дар Бохтар нақшаи ҷамъоварии ҳосили пахта иҷро шуд
ХАТЛОН. 271 ИНШООТИ СОҲАИ МАОРИФ СОХТА МЕШАВАД
БОХТАР – ШАҲРИ РУШДУ БУНЁДКОРӢ
СУРУДИ МИЛЛӢ КАЙ САДО ДОД?
ТАНТАНАИ ИСТИҚЛОЛ
