“ВАҲДАТ”- ДАСТПӮШАК МЕОФАРАД

Дар заминаи ҶДММ “Ваҳдат”-и ноҳияи Ёвон коргоҳи истеҳсоли дастпӯшакҳои сохтмонӣ ба фаъолият оғоз кард.

Тавре аз мақомоти иҷроияи маҳаллии ҳокимияти давлатии ноҳияи Ёвон иттилоъ доданд, коргоҳи мазкур имкон дорад дар як шабонарӯз зиёда аз 25 ҳазор ҷуфт ин гуна дастпӯшакҳоро истеҳсол кунад. Дастпӯшакҳои истеҳсолшуда сифати хуб дошта, ба талаботи стандарти давлатӣ ҷавобгу мебошанд.

Масъулини корхона нақша доранд, ки бо ширкатҳои сохтмонӣ ҳамкориро ба роҳ монда, барои онҳо низ дастпӯшак истеҳсол кунад.

Айни замон дар ҶДММ “Ваҳдат” 80 нафар сокинони маҳаллӣ бо ҷойи кори доимӣ ва маоши хуб таъмин мебошанд.

                                    Сулаймон СУЛТОНОВ