МУНТАЗАМ МОНИТОРИНГ ГУЗАРОНИДА МЕШАВАД

Бо мақсади танзими нархи маҳсулоти аҳамияти иҷтимоидошта, назорати вазъи бозори истеъмолӣ, ташаккулёбии нархҳо, пешгирии болоравии сунъии нарх ва риояи қоидаҳои нархгузорӣ дар бозорҳои шаҳру ноҳияҳои вилояти Хатлон мунтазам мониторинг гузаронида мешавад.

Ин нуқтаро зимни нишасти матбуотӣ сардори Раёсати Хадамоти зиддиинҳисории назди Ҳукумати Ҷумҳурии Тоҷикистон дар вилояти Хатлон Юсуфзода Фируз зикр кард.

Номбурда гуфт, ки дар натиҷаи андешидани тадбирҳои зарурӣ, аз болоравии беасоси нархи молҳои ниёзи аввалия пешгирӣ карда мешавад.

Тибқи нишондони мониторинги гузаронидашуда, ба ҳолати 28 декабри соли 2021 дар бозору нуқтаҳои савдои шаҳру ноҳияҳои вилоят нархи миёнаи 50 килограмм орди навъҳои якум ва дуюм аз 260 то 275 сомонӣ, 1 кг макарон- 9-10 сомонӣ, 1 кг биринҷ- 8-10 сомонӣ, 1 кг картошка- 3-4 сомонӣ, 1 кг сабзӣ- 1,5-2,5 сомонӣ, 1 кг бехпиёз- 2-3 сомонӣ, 1 кг равғани пахтаи маҳаллӣ- 20-22,6 сомонӣ, 1 кг равғани офтобпарасти воридотӣ- 20,2-23,6 сомонӣ ва 1 килограмм шакар- 9-10 сомониро ташкил дода, нисбат ба моҳи ноябри соли 2021 болоравии назарраси нархҳо мушоҳида нашудааст.

Ҳамчунин дар нуқтаҳои фурӯши сӯзишворӣ нархи 1 литр бензини навъҳои Аи-92 ва Аи-95 ба ҳисоби миёна 10,30-10,80 сомонӣ, сӯзишвории дизелӣ, 10,50-10,70 сомонӣ ва нархи 1 литр гази моеъ 7,20- 7,40 сомониро ташкил додааст.

-Баъзе аз маҳсулоти воридотӣ ба қаламрави вилояти Хатлон асосан аз вилояти Суғд ва шаҳри Душанбе дастрас гардида, ташаккулёбии нархи онҳо ба қимати сӯзишворӣ ва хароҷоти интиқол то шаҳру ноҳияҳои вилоят вобастагӣ дорад, - мегӯяд Юсуфзода Фируз.

Сулаймон СУЛТОНОВ,

“Сафо”

Похожие новости:

Добавить комментарий

Ахбор

ХАТЛОН. 271 ИНШООТИ СОҲАИ МАОРИФ СОХТА МЕШАВАД 14:28 Хатлон. Дастоварди варзишгарон шоёни таҳсин аст 13:58 ЭМОМАЛӢ РАҲМОН - ПЕШВОИ ҶОИЗАЗЕБИ ҶАҲОН 13:03 ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ 12:57 Қасри фарҳанги ноҳияи Ҷайҳун пурра таъмиру навсозӣ гардид 15:36 СУРУДИ МИЛЛӢ КАЙ САДО ДОД? 15:52 МАН ОРИЁИЯМ, АЗ НАСЛИ ОФТОБ 15:48 БОХТАР – ШАҲРИ РУШДУ БУНЁДКОРӢ 15:59

Маҷаллаи №6-2019

Серхонандаҳо

ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН Қасри фарҳанги ноҳияи Ҷайҳун пурра таъмиру навсозӣ гардид Хатлон. Дастоварди варзишгарон шоёни таҳсин аст ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ ХАТЛОН. 271 ИНШООТИ СОҲАИ МАОРИФ СОХТА МЕШАВАД БОХТАР – ШАҲРИ РУШДУ БУНЁДКОРӢ СУРУДИ МИЛЛӢ КАЙ САДО ДОД? МАН ОРИЁИЯМ, АЗ НАСЛИ ОФТОБ ТАНТАНАИ ИСТИҚЛОЛ ЭМОМАЛӢ РАҲМОН - ПЕШВОИ ҶОИЗАЗЕБИ ҶАҲОН