Маҷаллаи Сафо
Маслиҳати муфид
Номаҳо
Дар майдони 7 ҳазор гектар картошка кишт мешавад
Тибқи дурнамо соли ҷорӣ дар вилояти Хатлон дар майдони 7 ҳазор гектар кишти картошкаи барвақтӣ ба роҳ монда мешавад. Ин нуқта зимни баргузории машварати вилоятӣ оид ба буришу башаклдарории дарахтони мевадиҳанда ва хусусияти хоси парвариши картошкаи барвақтӣ дар ноҳияи Ёвон зикр шуд.
Тавре аз шуъбаи иттилоотию таҳлилии дастгоҳи раиси вилояти Хатлон ба “Сафо” иттилоъ доданд, дар ин машварат муовини аввали раиси вилояти Хатлон Амонулло Салимзода, кишоварзон, олимону хоҷагидорон ва боғпарварони ноҳияҳои Хуросон, Абдураҳмони Ҷомӣ ва Ёвон ширкат намуданд.
Муовини аввали раиси вилоят Амонулло Салимзода зимни баромади хеш қайд кардааст, ки боғдорӣ ва картошкапарварӣ яке аз бахшҳои муҳимтарин ва сердаромадноки соҳаи кишоварзӣ ба ҳисоб рафта, солҳои охир таваҷҷуҳ ба ин самт бештар равона карда мешавад. Дар вилоят майдони боғҳои мевадиҳанда ва кишти картошка сол то сол зиёд мегардад.
“Кишоварзон бояд ҳар ваҷаб замини корами обиро самаранок истифода карда, заҳбуру заҳкашҳои ҳудуди хоҷагиҳои деҳқонӣ ва дигар заминҳои пахтазорро сари вақт тоза карда, ба кишти баҳорӣ омодагӣ гиранд”, - зикр кардааст Амонулло Салимзода.
Ҳамчунин дар ин семинар-машварат олимони соҳа ба хоҷагидорону кишоварзон оид ба шаклдарории дарахтони мевадиҳанда ва кишти картошкаи барвақтӣ тавсияву маслиҳатҳои судманд доданд.
Сулаймон СУЛТОНОВ
Добавить комментарий
Ахбор
БЕШ АЗ 432 МИЛЛИОН СОМОНӢ РУХСАТПУЛИИ ОМӮЗГОРОН ПАРДОХТ ШУДААСТ 17:40ПЕШРАФТ ДАР СОҲАИ МАОРИФИ ХАТЛОН: АЗ СОХТМОН ТО ДАСТОВАРДҲОИ ОЛИМПИАДАВӢ 12:36ЗИЁДА АЗ 27 ҲАЗОР ҚОНУНВАЙРОНКУНИҲО ОШКОР КАРДА ШУД 12:30ТАТБИҚИ ЛОИҲАИ “ШАҲРИ БЕХАТАР” ДАР БОХТАР 16:57Дар ноҳияи Абдураҳмони Ҷомӣ 226 иншооти ҷашнӣ мавриди истифода қарор гирифт 13:45ҶАЙҲУН ДАР МАСИРИ РУШДИ УСТУВОР ВА СОЗАНДАГӢ 14:33ТАРБИЯРО АЗ КАДОМ СИННУ СОЛ БОЯД ОҒОЗ КАРД? 14:30БОНУИ МАТИНИРОДА 13:39
Маҷаллаи №6-2019
