ПАРЧАМИ МО

Амиршои ХАТЛОНӢ

Эй ҷилою ҷилваи нанги Ватан,

Парчами мо, фахри фарҳанги Ватан.

Ҷовидона парфишониҳо намо

Дар замину дар замону дар фазо.

Сурхият ҳамранги хуни одам аст,

Дар сафоят сулҳу субҳи олам аст.

Нав ба нав андар ҷаҳон афкори мо,

Ҳам ҷасорат, ҳам сиёсат, ёри мо.

Ранги  сабзи ту нумӯи кишвар аст,

Хони мо пурганҷу пур аз гавҳар аст.

Тоҷ бар сар ҳафт ахтар дар само,

Ҳар яке истораҳои раҳнамо.

Ранги сурху ҳам сафеду сабзи ту,

Ҳамчу нерӯ метапад дар набзи ту.

Парчами мо, ҷилва дорӣ дар замон,

Бо ҷасорат, бо ӣурур андар ҷаҳон.

Марди миллат пеши ту савганд хӯрд,

ӯ ќасам бо миллату пайванд хӯрд.

Бо Худову модару ҳам шири ӯ,

Ҳам ба хоку оби худ савганд хӯрд. 

Эй ҷилою ҷилваи нанги Ватан,

Парчами мо, фахри фарҳанги Ватан.

Ҷовидона парфишониҳо намо