Пирог аз творог

​​​​-Суфраи “Сафо”-

Тухм - 4 дона
Қаймоқ – 4 қошуқ
Маргарин – 250 гр
Орд – 4 истакон
Шакар – 2 истакон 
Какао – 3 қошуқ
Творог – 600 гр
Крахмал – 1 қошуқ 
Равғани маска – 50 гр
Мавиз, чормағз, хушбӯйкунанда мувофиқи табъ
Моддаи ковоккунанда – 1 қошуқча 
Тарзи омода намудан: 1 дона тухм, 2 қошуқ қаймоқ, моддаи ковоккунанда бо сирко безараргардонидашуда, маргарини аз турбтарошак гузаронидашуда, 1 истакон шакар, 3 қошуқ какао ва ордро омехта карда, хамир омода месозем. Хамир бояд ба даст начаспад.  Хамирро ба 7 қисм тақсим мекунем ва муддати 30 дақиқа ба яхдон мегузорем. 
Сипас, маҳсулоти дохили пирогро омода мекунем. Творог, 2 қошуқ қаймоқ, 3 дона зардии тухм, 1 истакон шакар, равғани маска ва крахмалро то якранг шудан омехта мекунем. Сафедии тухмро алоҳида лат зада, пас аз 5 дақиқа бо чормағз, мавиз хушбӯйкунанда ба маҳсулоти дохили пирог ҳамроҳ мекунем.
Ба тобаи тафдон 4 қисми пирогро аз турбтарошаки дандонаш калон мегузаронем ва  маҳсулоти қабати онро мегузорем. 3 қисми боқимондаро низ аз болояш аз турбтарошак гузаронида ба тафдон дар ҳарорати 180 – 200 дараҷа то пухтан мемонем.