НИҲОЛШИНОНӢ ВУСЪАТ МЕЁБАД

     Бахши ҳифзи муҳити зисти ноҳияи Дӯстӣ тасмим гирифтааст, ки баҳори фаррухпайро бо тозакориҳо, шинонидани ниҳолҳои ҳамешасабз, мевадиҳанда ва гулу буттаҳои рангоранг истиқбол намоянд.

Дӯстдории табиати диёр аз дӯстдории обу хок, муҳаббат ба ватан, оила ва зодгоҳ сарчашма мегирад. Инсон чи қадаре, ки ба ватани аҷдодӣ самимият ва муҳаббат дошта бошад, ҳамон қадар файзу баракат зиёда мегардад.

Дар назар аст, ки дар ин мавсим беш аз 18 ҳазор ниҳол ва зиёда аз 250 ҳазор гулу бутаҳҳои рангоранг шинонанд. То имрӯз дар ин самт як қатор корҳо анҷом ёфтааст.

Ҳидоятҳои Паёми созандаи Пешвои миллат ба сокинони ноҳияи Дӯстӣ дилгармии хоса бахшида, онҳоро ба сӯи бунёдкорӣ, сабзу хуррамгардонии муҳити зист ҳидоят мекунад. 

Маърифати волои ватандорӣ низ ба анҷоми амалҳои созанда ва тозакориҳои нав ба нав ҳидоятгари мардум аст.