Буёди 26 синфхонаи иловагӣ дар Дӯстӣ

Ҷиҳати сазовор истиқбол гирифтани ҷашни 30-солагии Истиқлолияти давлатии Ҷумҳурии Тоҷикистон дар ноҳияи Дӯстӣ сохтмони 26 синфхонаи иловагӣ, ду китобхона ва як маҷлисгоҳ бомаром идома дошта, онҳо то ин ҷашни фархунда ба истифода дода мешаванд.

Тавре зимни суҳбат мудири шуъбаи маорифи ноҳияи Дӯстӣ Шаҳноза Маҳмадсаидзода иброз дошт, синфхонаҳои иловагӣ дар назди ҳашт муассисаи таълимӣ бунёд шуда, 650 нафар толибилмон дар як баст бо ҷойи нишаст таъмин хоҳанд шуд.

Аллакай бо дастгирии аҳолии маҳал ва Бекмурод Холов роҳбари хоҷагии деҳқонии тухмипарварии ба номи Эргаш Султонов бо харҷи 800 ҳазор сомонӣ муассисаи таълимии №8-и ба номи Ҷумъагелдӣ Ҷумъақулов сохта шуда, мавриди баҳрабардорӣ қарор дода шуд.

Инчунин бо саҳми соҳибкори ватанӣ Ҷурабек Муҳибов дар деҳаи Пахтакори Ҷамоати деҳоти “Навзамин” бинои иловагии муассисаи таълимии №38 барои ба таҳсил фаро гирифтани 150 хонанда дар як баст ва муҷаҳҳаз бо тамоми лавозимоти таҳсил бунёд гардида, ба истифода дода шудааст.

Ҳамзамон ҳуҷҷатгузории бинои нави шуъбаи маориф, муассисаҳои таълимии №6, 14, ва 33 ба охир расида, корҳои сохтмонӣ рӯзҳои наздик оғоз хоҳанд шуд.

Ба иттилои мудири маориф бунёди бинову синфхонаҳои иловагӣ имкон медиҳанд, ки хонандагон дар шароити беҳтари таълимӣ таҳсил карда, малакаи донишу маҳорати хешро зиёд намоянд.

Феълан дар ноҳияи Дӯстӣ 54 муассисаи таълимӣ фаъолият намуда истодаанд, ки дар онҳо 26 ҳазору 595 хонанда ба таълиму тарбия фаро гирифта шудаанд.

Сулаймон СУЛТОНОВ

Похожие новости:

Добавить комментарий

Ахбор

ҶАЛАСАИ ҶАМЪБАСТИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН ДАР СЕМОҲАИ АВВАЛИ СОЛИ 2025 15:48 Чор иншооти соҳаи тандурустӣ ба истифода дода шуд 15:03 Фестивал намоишгоҳи байналмилалӣ баргузор гардид 14:16 Аввалин ҷарроҳии пайвандсозии ҷигар дар вилояти Хатлон анҷом дода шуд 16:48 Ҷ. Балхӣ. Корхонаи ордбарорӣ дубора эҳё мешавад 15:36 Беш аз 1000 нафар бо ҷои кор таъмин шуд 15:44 “Тасмаи бехатарӣ муҳофизи шумо” 14:51 Нақши ВАО дар шароити ҷаҳонишавӣ ва бархӯрди фарҳангу тамаддунҳо баррасӣ шуд 13:30

Маҷаллаи №6-2019

Серхонандаҳо

Нурализода Наргис: Мароми мо - баланд бардоштани мақоми зан дар ҷомеа Ёвон. Майдончаи варзишӣ ифтитоҳ шуд ДАСТОНИ ПУРҲУНАР Ҷ. Балхӣ. Бунгоҳи тиббии нав ифтитоҳ шуд Бохтар. Чорабинии мудофиаи ҳудудӣ доир гардид Дӯстӣ. Бунёди боз як иншооти соҳаи тандурустӣ СУХАНИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД ДАР ЧОРАБИНИИ РӮЗИ ДАЪВАТШАВАНДА Нақши ВАО дар шароити ҷаҳонишавӣ ва бархӯрди фарҳангу тамаддунҳо баррасӣ шуд Бохтар. Кӯдакон соҳиби майдонаи варзишӣ шуданд Панҷ. Пиёзи барвақтӣ ба бозор бароварда мешавад