Маҷаллаи Сафо
Маслиҳати муфид
Номаҳо
МАҲСУЛОТИ БЕҲТАРНАМОИИ ХОТИРА
Мушкилот бо хотира на танҳо бо одамони синну солашон калон, балки ҷавонон ҳам рух медиҳад. Хусусан, дар даврони пешравии ҷаҳони имрӯза бо вазнинҳои бузурги он ба асаби инсон ва тарзи нодурусти истеъмоли ғизо.
Маҳсулоти аввале, ки хотираро мустаҳкам менамояд, ин сирпиёз мебошад. Сирпиёз дорои равғанҳои эфирӣ аст, ки ҷамъшавии липидҳоро дар хун паст намуда, бо ин васила «ифлосшавии» рагҳои хунгардро бартараф менамояд. Истеъмоли тару тоза ин мањсулот барои беҳтар намудани хотира хеле муфид аст ва ҳамчунин онро ба таомҳои гуногун илова кардан мумкин аст.
Дар ҷойи дуюм, барои беҳтар намудани хотира, ду растанӣ - розмарин ва шалфей меистанд. Ин ду растаниро ба таому нӯшокиҳо илова кардан мумкин аст. Махсусан розмарин ба таомҳо ва шалфей барои нӯшокиҳо хуб аст. Чой аз шалфей зеҳн ва диққатро баланд мекунад.
Дар ҷойи сеюм, чун мустаҳкамкунандаи хотира себ меистад. Истеъмоли себ субҳ, давоми рӯз ва шом ҳам барои хотираро беҳтар намудан хеле муфид мебошад.
Маҳсулоти чоруми хотираро нафъбахшанда тухм мебошад. Зардии тухм дар таркибаш моддаи холин дорад, ки дар баробари сафедаҳо ва витаминҳо барои беҳтар гардидани хотира мусоидат менамояд.
Маҳсулоти панҷуми хотираро беҳтаркунанда растании топинамбур мебошад, ки дар боғ байни дигар гулҳо тамоми тобистон мерўяд. Решаи он ба картошкаҳои дарозрўяи каҷу килеб монанд аст, ки маҳз он дар таркибаш оҳан, кремний, синк, магний, калий, марганетс, фосфор, калтсий, витаминњои А, Е,С, В1,В2 дорад ва барои мустаҳкамшавии хотира мусоидат менамоянд.
Албатта, пеш аз истеъмоли ҳар яки ин маҳсулот ҳар як шахс вобаста ба миҷозаш тавсияи мутахассиси тибро гирифтанаш хуб мебуд.
Таҳияи С. ЗАРНИГОР
Добавить комментарий
Ахбор
БЕШ АЗ 432 МИЛЛИОН СОМОНӢ РУХСАТПУЛИИ ОМӮЗГОРОН ПАРДОХТ ШУДААСТ 17:40ПЕШРАФТ ДАР СОҲАИ МАОРИФИ ХАТЛОН: АЗ СОХТМОН ТО ДАСТОВАРДҲОИ ОЛИМПИАДАВӢ 12:36ЗИЁДА АЗ 27 ҲАЗОР ҚОНУНВАЙРОНКУНИҲО ОШКОР КАРДА ШУД 12:30ТАТБИҚИ ЛОИҲАИ “ШАҲРИ БЕХАТАР” ДАР БОХТАР 16:57Дар ноҳияи Абдураҳмони Ҷомӣ 226 иншооти ҷашнӣ мавриди истифода қарор гирифт 13:45ҶАЙҲУН ДАР МАСИРИ РУШДИ УСТУВОР ВА СОЗАНДАГӢ 14:33ТАРБИЯРО АЗ КАДОМ СИННУ СОЛ БОЯД ОҒОЗ КАРД? 14:30БОНУИ МАТИНИРОДА 13:39
Маҷаллаи №6-2019
