Мулоқоти Қурбон Ҳакимзода бо ҷавонони вилоят

Ҳамасола дар кишвар 23 май Рӯзи ҷавонони Тоҷикистон ботантана таҷлил мегардад. Дар доираи нақша – чорабиниҳо бахшида ба Рӯзи ҷавонони Тоҷикистон дар вилояти Хатлон тадбирҳои зиёд амалӣ мегарданд, ки ҷавонон дар он фаъолона ширкат менамоянд.

Аз ҷумла, дар доираи «Як моҳи ҷавонӣ» чорабиниҳои гуногун, конфронсу аксияҳо, суҳбату мулоқот, ҳашарҳои дастаҷамъона баргузор гардиданд. Ба муносибати Рӯзи ҷавонони Тоҷикистон 19 майи соли ҷорӣ дар толори Кохи фарҳанги шаҳри Бохтар мулоқоти Қурбон Ҳакимзода, раиси вилояти Хатлон бо намояндагони ҷавонони вилояти Хатлон баргузор гардид.

Қурбон Ҳакимзода ҷавонони вилоятро табрик намуда, нақши онҳоро ҳамчун неруи пешбарандаи ҷомеа муҳим арзёбӣ намуд. Гуфта шуд, ки ҳисси ватандориву ватандӯстӣ ва ифтихори миллии ҷавонони мо торафт боло рафта, иштироки онҳо дар ҳаёти ҷамъиятӣ ва сиёсии кишварамон сол аз сол тақвият меёбад.

Зикр гардид, ки шумораи умумии ҷавонон дар вилояти Хатлон 1026145 нафарро ташкил менамояд. Аз ин теъдод 338636 нафар ҷавонони вилоят ба таҳсил фаро гирифта шудаанд.

Бояд зикр намуд, ки мақомоти иҷроияи давлатии вилояти Хатлон ҷиҳати ҳавасмандии ҷавонони фаъолу эҷокор, олимони ҷавон, донишҷӯён тадбирҳои судманд меандешад. Дар доираи ин дастгириҳо ҳамасола ба зиёда аз 200 нафар устодону олимони эҷодкор, донишҷӯён ва хонандагони аълохон стипендияи номии раиси вилояти Хатлон тақдим карда мешавад.

Дар вохӯрӣ чанд тан аз ҷавонони фаъоли шаҳру навоҳии вилоят барои ғамхорӣ ва таваҷҷуҳ нисбати ҷавонон ба раиси вилояти Хатлон изҳори сипосу минатдорӣ намуданд. Як қатор ҷавонони фаъол бо сипосномаҳои раиси вилояти Хатлон сарфароз гардонида шуданд.

Санъаткорони ҷавони вилоят бо дастагули шеъру таронаҳои рангину дилангез хотири иштирокчиёнро шод намуданд.

«Сафо»

Похожие новости:

Добавить комментарий

Ахбор

ҶАЛАСАИ ҶАМЪБАСТИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН ДАР СЕМОҲАИ АВВАЛИ СОЛИ 2025 15:48 Чор иншооти соҳаи тандурустӣ ба истифода дода шуд 15:03 Фестивал намоишгоҳи байналмилалӣ баргузор гардид 14:16 Аввалин ҷарроҳии пайвандсозии ҷигар дар вилояти Хатлон анҷом дода шуд 16:48 Ҷ. Балхӣ. Корхонаи ордбарорӣ дубора эҳё мешавад 15:36 Беш аз 1000 нафар бо ҷои кор таъмин шуд 15:44 “Тасмаи бехатарӣ муҳофизи шумо” 14:51 Нақши ВАО дар шароити ҷаҳонишавӣ ва бархӯрди фарҳангу тамаддунҳо баррасӣ шуд 13:30

Маҷаллаи №6-2019

Серхонандаҳо

Нурализода Наргис: Мароми мо - баланд бардоштани мақоми зан дар ҷомеа Ёвон. Майдончаи варзишӣ ифтитоҳ шуд Ҷ. Балхӣ. Бунгоҳи тиббии нав ифтитоҳ шуд Бохтар. Чорабинии мудофиаи ҳудудӣ доир гардид Дӯстӣ. Бунёди боз як иншооти соҳаи тандурустӣ Бохтар. Кӯдакон соҳиби майдонаи варзишӣ шуданд СУХАНИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД ДАР ЧОРАБИНИИ РӮЗИ ДАЪВАТШАВАНДА Нақши ВАО дар шароити ҷаҳонишавӣ ва бархӯрди фарҳангу тамаддунҳо баррасӣ шуд Панҷ. Пиёзи барвақтӣ ба бозор бароварда мешавад Хатлон. Дар майдони беш аз 9 ҳазору 900 гектар пиёз кишт шудааст