338 ИНШООТ БА ИСТИФОДА ДОДА ШУД

Ба хотири созовор пешвоз гирифтани ҷашни пурифтихори миллӣ, 30-солагии Истиқлолияти давлатии Ҷумҳурии Тоҷикистон дар ноҳияи Шаҳритус аз 365 иншооти ба нақша гирифташуда, 338-тои он бунёд гардида, мавриди баҳрабардорӣ қарор гирифтанд.

Тавре мудири бахши меъморӣ ва шаҳрсозии мақомоти иҷроияи ҳокимияти давлатии ноҳияи Шаҳритус Эркин Туйчиев зимни суҳбат гуфт, аллакай 92,6 фисади иншооти ба нақша гирифташуда сохта шуданд.

Иншооти бунёдшуда, таъмиру азнавсозии 16 муассисаи таълимӣ, 10 муассисаи томактабӣ, 10 бунгоҳи тиббӣ, 10 маркази саломатӣ, 13 майдончаи варзишӣ, 4 дукони ҳунармандӣ, 17 иншооти саноатию истеҳсолӣ ва 3 сардхона мебошанд, ки баъди мавриди баҳрабардорӣ қарор гирифтани онҳо сокинони зиёди маҳаллӣ бо ҷойи кори доимӣ ва маоши хуб таъмин шуданд.

Номбурда ҳамчунин афзуд, ки дар Ҷамоати шаҳраки Шаҳритус Майдони Исмоили Сомонӣ, Парчам ва Нишони давлатӣ, боғи фарҳангию фароғатии Тус, маркази хизматрасонӣ, тўйхона ва меҳмонхонаи “Марҳабо”, қаҳвахона ва меҳмонхонаи “Чорбед”, маркази хизматрасонии 3 ошёна ва меҳмонхонаи “Ваҳдат” шуъбаи маориф, қаҳвахонаи “Наврӯз” сохта ба истифода дода шуданд.

Ҳамчунин дар чанд иншооти дигар аз қабили муассисаҳои таҳсилоти миёнаи умумии №34, №54 ва №40, майдончаҳои варзишӣ, комплекси хизматрасонӣ ва нуқтаи шустушӯи нақлиёт корҳои сохтмонӣ бомаром идома доранд, ки то ин ҷашни фархунда мавриди баҳрабардорӣ қарор мегиранд.

Сулаймон СУЛТОНОВ

Похожие новости:

Добавить комментарий

Ахбор

БОХТАР. ДАР ДАҲ МОҲ 43 ИНШООТ БУНЁД ШУД 14:20 “ШОҲНОМА” БА БОХТАР ҲАМ РАСИД 13:06 Боғпарвари “Боғистон” 13:32 АЗ РУШОН ТО ДӮСТӢ: ҲАЁТИ ЯК ФИДОИИ МАОРИФ 13:27 Меҳри омӯзгор- неруи парвози шогирд 13:22 ОЗМУНИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН БАРГУЗОР ГАРДИД 13:59 Бунёди бинои 5 ошёнаи Раёсати суғуртаи иҷтимоӣ ва нафақа дар вилояти Хатлон 13:26 Тақдими “Шоҳнома” ба сокинони ноҳияҳои Вахшу Абдураҳмони Ҷомӣ 12:58

Маҷаллаи №6-2019

Серхонандаҳо

ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА ИФТИХОРИ РӮЗИ ПРЕЗИДЕНТИ ҶУМҲУРИИ ТОҶИКИСТОН ФЕСТИВАЛИ ВИЛОЯТИИ "ЛИБОСИ МИЛЛӢ - ОСОРИ ТАМАДДУНИ ҶАҲОН" ДАР ВИЛОЯТИ ХАТЛОН ЁВОН. БЕШ АЗ 60 КИЛОМЕТР РОҲ МУМФАРШ КАРДА ШУД “ШОҲНОМА” БА БОХТАР ҲАМ РАСИД ОЗМУНИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН БАРГУЗОР ГАРДИД Тақдими “Шоҳнома” ба сокинони ноҳияҳои Вахшу Абдураҳмони Ҷомӣ Бунёди бинои 5 ошёнаи Раёсати суғуртаи иҷтимоӣ ва нафақа дар вилояти Хатлон ФАРЗАНДИ ШУҶОЪ БИЁ, МО НАРАВЕМ БОХТАР. ДАР ДАҲ МОҲ 43 ИНШООТ БУНЁД ШУД