«МИРЗО ТУРСУНЗОДА ВА ШОҲМОТ»

Бозии шоҳмот ин бозии қадимаи мардуми ориёинажод ва бозии машҳури имрӯзаи олам низ дар ҳаёти устод Мирзо Турсунзода хусусиятҳои хоси худро дорад. Аз хотираи бисёре аз шоиру нависандагони замони шӯравӣ маълум мегардад, ки устод ин бозии қадимаи миллатамонро бисёр дӯст медоштааст ва ҳатто дар ҳолати бархе аз бохтҳо малол низ мешудааст.

Дар чунин ҳол ба андешаи банда самияти устод Мирзо Турсунзода, ки дар ҳаёти ҳаррӯзаи хеш ба ҷомеа, ба миллат, ба шогирдон, ба шеъри тоҷик дошт, пеши назар меояд. Ба пиндори банда чунин самимияти устод барои ӯ нисбати бозии шоҳмот низ хос ҳаст. Устод дар бозиҳои зиёди хеш бо ҳарифони зиёде, ки бархе аз онҳо ходимони намоёни давлатӣ ва фарҳангӣ ва касбу кори гуногун будаанд, бозӣ карда, шаҳди ғалабаро чашидааст ва ҳамчунин табиист, ки бархе аз бозиҳоро низ бохтааст.
Ҳоло бошад, аз яке аз вохӯриҳои аҷибаш қисса мекунем. Устод на танҳо бо қаҳрамони ҷаҳонии шоҳмот Тигран Петросян, балки бо дигар нобиғагони бозии шоҳмот низ бозӣ намудааст. Аз китоби хотираҳои нависанда Михаил Левин маълум мегардад, ки устод Турсунзода бозии шоҳмотро дӯст медоштааст ва боре дар сафар дар шаҳри Москва дар меҳмонхонае, ки ҷой гирифта буд омада мебинад, ки ҳамсояхонаи ӯ зӯр зада, вақти хунукӣ дари утоқи худро кушоданист, лекин онро кушода натавониста истодааст. Устод бошад дарав ба ин ҳамсояи ношиносаш рӯ оварда мегӯяд, ки сирри ин кулфҳои англисиро ӯ медонад ва дари ҳуҷраи хобашро кушода медиҳад. Баъдан устод чун меҳмоннавоз буд, ин ҳамсояи навашро ба меҳмонӣ ба утоки худ даъват мекунад. Меҳмон баъди чанде вориди утоқи ӯ мегардад ва устод барои меҳмон дастурхон кушода, коняки тоҷикӣ мерезад ва дар омади гап мепурсад, ки оё меҳмон шоҳмот бозида метавонад? Баъди шунидани ҷавоби тасдиқкунанда устод хурсанд шуда, даррав шоҳмотҳоро барои бозӣ намудан тайёр мекунад. Ба нею нестони меҳмон нигоҳ накарда иброз медорад, ки барои дилгарми 1-2 давр бозӣ мекунанд. Ҳеҷ гап нест, натарсад худи ӯ низ он қадар шоҳмотбози зӯр нест, иброз медорад устод Турсунзода. Баъди гашти аввал устод бой дода, мегӯяд эҳ чи тавр? Баъдан боз 2 даври дигар бозӣ мекунанд ва мутаасифона дар ин даврҳои боқимонда низ устод дар як гашт бой дода, хело авзояш парешон мешавад. Меҳмон аз ҷояш хеста мегўяд, ки Мирзо Турсунович зиқ нашавед, шумо бо худи Михаил Тал бозиро бой додед!
Аз ин суханҳои меҳмони ношиноси худ устод ба ханда омада, дасти ҳамдигарро мефишоранд. Он вақт Михал Тал шоҳмотбози овозадор ва чемпиони вақти ҷаҳон буд. Баъдан устод доимо вақти бозиҳои шоҳмот ин вохӯрии ғайриодии худро бо Тал ба ёд оварда иброз медоштааст, ки ӯ бо худи чемпиони ҷаҳон Михаил Тал бозӣ кардааст. Чунин вохӯриҳои аҷиб дар силсиласафарҳои устоди гаронмоя Мирзо Турсунзода зиёданд.

Варқаи Зайниддин, ёвари калони прокурори вилояти Хатлон

Похожие новости:

Добавить комментарий

Ахбор

ДӮСТӢ. ТАБИБОН СОҲИБИ ЗАМИНИ НАЗДИҲАВЛИГӢ ШУДАНД 16:02 ТАҶЛИЛИ РӮЗИ КОРМАНДОНИ СОҲАИ ТИБ ДАР ХАТЛОН 15:21 ПАЁМИ ТАБРИКОТИИ РАИСИ ВИЛОЯТИ ХАТЛОН ДАВЛАТАЛӢ САИД БАХШИДА БА РӮЗИ КОРМАНДОНИ СОҲАИ ТИБ 10:16 МАЪРАКАИ ЧИНИШИ ПАХТА ДАР ВИЛОЯТИ ХАТЛОН ОҒОЗ ШУД 13:22 БОЗДИД АЗ САМАРАНОК ИСТИФОДАБАРИИ ЗАМИНИ НАЗДИҲАВЛИГӢ ВА ЗАХИРАИ ХӮРОКИ ДУСОЛА 13:08 КӮШОНИЁН: ИФТИТОҲИ БИНОИ ИЛОВАГӢ БАРОИ 400 НАФАР ХОНАНДА БО ИШТИРОКИ РАИСИ ВИЛОЯТ 12:59 КӮШОНИЁН: ИФТИТОҲИ МАРКАЗИ САЛОМАТӢ БО ИШТИРОКИ РАИСИ ВИЛОЯТ 12:52 МАДИНА ҚУРБОНЗОДА ҒОЛИБИ ОЗМУНИ ШАҲРИИ "ФАРЗАНД-БОҒИ ПАДАРУ МОДАР" ГАРДИД 14:20

Маҷаллаи №6-2019

Серхонандаҳо

Аъзамҷон Чиллазода: 91,3 фоизи маблағҳои буҷетӣ дар вилоят ба соҳаҳои иҷтимоиёт равона карда шудааст Ташрифи ҳайати экспедитсияи “Саёҳат ба қалби Авруосиё – 2025” ба шаҳри Бохтар Ҳиссаи омӯзгорони унвондор ба 36,3 фоиз расид Дар Хатлон 21 нафар ба фаъолияти блогерӣ машғул мебошанд Кӯшониён. Як ноболиғ аз ғарқшавӣ наҷот дода шудааст БОЗДИДИ РАИСИ ВИЛОЯТ АЗ ОҒОЗИ КОРҲОИ МУМФАРШКУНИИ 1,5 КМ РОҲИ АВТОМОБИЛГАРДИ АҲАМИЯТИ МАҲАЛЛИДОШТАИ ШАҲРАКИ ЁВОН- МЕҲРОБОД- ДАСТГИРАК- НАВОБОД ВА ПУЛИ МОШИНГУЗАР БАЪДИ ТАҶДИДУ АЗНАВСОЗӢ ЁВОН: БОЗДИД АЗ РАФТИ КОРҲОИ СОХТМОНӢ ДАР КОРГОҲИ ИСТЕҲСОЛИ ОҲАКИ СОХТМОНИИ ҶДММ «ҒАЮР ИНДАСТРИАЛ» ЁВОН: ШИНОСОИИ РАИСИ ВИЛОЯТ БО ЛОИҲАИ МУАССИСАИ ТАЪЛИМӢ Тоҷикстандарт. Дар Хатлон 7,3 тонна маҳсулоти ғайристандартӣ ошкор шуд БУНЁДИ 18 ИНШООТИ ВАРЗИШӢ ДАР ШАШ МОҲ