ГУЛПАРВАРОН СОҲИБИ БИНО ШУДАНД

Тавре директори ниҳоди мазкур Тоҷиддин Давлатзода зимни суҳбат иброз кард, бино аз панҷ ҳуҷраи барҳаво иборат буда, дар он тамоми шароити корӣ барои кормандон фароҳам оварда шудааст. Бунёди бино моҳи январи соли ҷорӣ оғоз гардида, барои иҷрои корҳои сохтмонӣ мутахассисони маҳаллӣ ҷалб гардида буданд. Номбурда ҳамчунин афзуд, ки бо харҷи беш аз 20 ҳазор сомонӣ мизу курсӣ ва дигар лавозимоти корӣ харидорӣ карда шуд. Феълан дар корхонаи мазкур 58 нафар кормандон кору фаъолият доранд, ки барои сабзу хуррам ва гулзор намудани маркази маъмурии вилояти Хатлон – шаҳри Бохтар саҳми муносиб гузошта истодаанд.

Бояд қайд кард, ки аз соли таъсисёбӣ то инҷониб корхона бинои маъмурӣ надошт ва кормандон дар вагонҳо фаъолият мекарданд. Аз ин иқдоми хурсандибахш масъулини ниҳоди болозикр хушнуд гашта, мекӯшанд дар оянда низ саҳми муносиби хешро дар гулгулшукуфоии Ватани азизи хеш гузоранд.