ГУЛДАСТА БА БОНУВОН

8 Март – Рӯзи Модар, идест, ки бо бонувон ва фасли баҳор зич алоқаманд аст. Дар ин рӯз тамоми бонувонро новобаста аз синну сол табрику муборакбод  мегӯянд. Албатта,  табрикот бе туҳфа намешавад ва албатта, рамзи асосии туҳфаҳо  ба  бонувон дар ин  рӯз  гул аст. Кадом гулҳоро ба 8 март тақдим бояд кард? Якчанд тавсияро барои  интихоби гулҳо дар чунин як иди дилошӯби  бонувон ва баҳор пешкашатон мегардонем.
БА КӢ ТАҚДИМ МЕКУНЕМ?
Ҳар як гулдаста бо назардошти он, ки ба кӣ тақдим мегардад, бояд интихоб карда шавад. Фаҳмост, ки дар ин иди бонувон хурду калонро бояд табрик намуд, вале инро бояд дуруст кард. Ана он нозукиҳое, ки бояд ба назар гирифт:
*  дараҷаи наздикӣ ба бону ё духтар, агар шумо нав вохӯрӣ карда бошед, пас метавонед садбаргҳои сурх тақдим намоед. Барои модаратон бошад, гулҳои нозуктару беҳтаринеро, ки ӯ дӯст медорад, тақдим кардан айни муддао аст.
*  Синну соли тақдимгиранда ин ҷо хеле муҳим аст ва хуб мебуд, ки ба бонувони синну солашон калонтар гулдастаҳои ранги сафед ва гулобиро тақдим накунед.
*   ба бону: агар бароятон наздик бошад, пас  дӯстдоштаи худатонро метавонед бо ягон гулдастаи ғайриодӣ хурсанд намоед, ба ҳамкоратон месазад, ки гулдастаи одию муқаррарӣ, вале зебою дилкашро интихоб намоед. 
Ҳангоми тақдими гулдастаи интихобкардаатон Шумо ҳатман ибрози беҳтарин таманниёти худро барои туҳфагиранда фаромӯш насозед!

Таҳияи Зарнигори С.