ВУСЪАТИ ОБОДОНӢ ДАР НОҲИЯИ ВАХШ

Дар доираи тадбирҳои ҷашнӣ соҳибкорони ватандӯст низ дар баробари мақомоти иҷроияи маҳаллии ҳокимияти давлатӣ саҳми муносиб гузоштаанд, ки фаъолтарини онҳо бародарон аз оилаи Юсуповҳо мебошанд.

-Аз ҷониби ин соҳибкорони ҳимматбаланд дар даромадгоҳи ноҳия дарвоза ва майдони “Қаҳрамонони Тоҷикистон”, дар маркази ноҳия сутунпояи Парчами давлатӣ бо гулгашти зебо барои фароғати сокинон, беморхонаи клиникии “Сино” ва дар Ҷамоати деҳоти 20 - солагии Истиқлолияти давлатии Тоҷикистон Маҷмааи фарҳангии “Офтобак” бунёд гардида, ҳамчунин қариб 16 километр роҳ асфалтпӯш ва чароғон карда шудааст, ки маблағи умумии он 25 миллион сомониро ташкил медиҳад,- зикр гардид дар ҳамоиши хабарӣ.

Тибқи иттилоъи манбаъ то 30-юмин солагарди Истиқлоли Ватан боз ҳам корҳои ободонӣ авҷ гирифта, теъдоди иншооти ҷашнӣ ба 340 адад расонида мешавад.