Бунёди маркази перинаталӣ дар Балхӣ

Бо ибтикори Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва маблағгузории Бонки рушди Олмон дар шафати беморхонаи марказии ноҳияи Ҷалолиддини Балхӣ сохтмони бинои ду ошёнаи Маркази перинаталӣ бомаром идома дорад.
Сардухтури беморхона Ниёзмаҳмад Қурбонов зимни суҳбат гуфт, ки корҳои сохтмонӣ соли 2019 оғоз гардида, бояд моҳи ноябри соли ҷорӣ ба анҷом расанд.
Номбурда ҳамчунин афзуд, ки марказ барои 85 кат бунёд шуда, бо муосиртарин таҷҳизоти тиббӣ муҷаҳҳаз гардонида мешавад. Баъди ба истифода додани бинои нав шароити хизматрасонии тиббӣ ба аҳолӣ боз ҳам беҳтар хоҳад шуд.
      Сулаймон СУЛТОНОВ