Гӯшти гӯсфанд дар тафдон

- Суфраи "САФО" -
Маҳсулот: 
Гӯшти гӯсфанд (лаҳм) – 2 кг
Сирпиёз – 5 дандона
Намак, мурч мувофиқи тамъ
Равғани зайтун – 3 қошуқ
Мураббои қоти сиёҳ – 3 қошуқ
Асал – 1 қошуқча
Пудина - 1 бандча
Шакар – 2,5 қошуқча
Сирко – 2,5 қошуқча
Об -300 мл
Тарзи тайёр кардан:
Сирпиёзро тоза карда, ҳар як дандонаи онро ба 6-8 қисм тақсим мекунем. Гӯштро шуста хушк карда, ҳар ҷои онро сӯрох мекунем. Тафдонро ҳарорати 220° дараҷа гарм мекунем. Ба сӯрохиҳои гӯшт сирпиёзи майдакардашударо љо мекунем ва ба болои гӯшт намак, мурч пошида, равғани зайтунро низ кам - кам мерезем. Дар тафдон муддати 1 соат мегузорем.
Қиёми қанд: дар зарфе мураббо, об ва асалро бо ҳам омехта карда, пайваста мекобем ва меҷӯшонем, то ҳаҷман зиёд шудан.
Пудинаро шуста, обашро хушк мекунем ва болои тахтача монда, шакар пошида кӯфтан лозим аст. Пудинаи кўфтаро дар зарф мегирему ба он 1 қошуқ оби ҷӯш мерезем ва то шакар об шудан мекобем. 1 қошуқ сирко ҳамроҳ мекунем.
Гӯштро аз тафдон гирифта, аз болояш қиёми қандро мерезем ва боз муддати 35-40 дақиқа ба тафдон мегузорем. Дар охир аз тафдон гирифта реза карда, бо соуси пудинагӣ ба дастархон мегузорем.