Захираи гулкарам

Гулкарам - 2 кг
Сабзӣ – 3 дона
Пиёз майда – 5 дона
Шакар – 1,5 қошуқ
Намак – 2 қошуқ
Сирко – 1 қошуқча
Қаламфури булғорӣ – 4 дона
Дар навбати аввал сабзиро даврашакл ва қаламфури булғориро чоркунҷа реза мекунем. Дар банкаи 2 литра 5 дона пиёз ва сабзию қаламфури булғории резакардашударо меандозем. Сипас, гулкарамро андохта аз болояш оби ҷӯшомадаро мерезем ва муддати 5 дақиқа нигоҳ медорем. Пас аз 5 дақиқа обро мерезем ва ба ҷои он намакоби ҷӯшидаро мерезем. Дар охир 1 қошуқча сиркоро илова карда, банкаро бо сарпӯши безараргардонидашуда маҳкам мекунем.

Пирог бо гулкарам
Гулкарам – 500 грамм
Қаймоқ – 250 грамм
Панир – 100 грамм
Тухм – 4 дона
Равған – 1 қошуқ
Орд – 5 истакон
Хуштамъкунанда ва намак - мувофиқи тамъ
Гулкарамро муддати 10 дақиқа меҷӯшонем. Тухмро бо намак лат зада, ба он қаймоқ орд ва хуштамъкунандаро илова намуда, хамир омода мекунем. Сипас, дар тобаи равғанкардашуда гулкарами пухташударо майда карда мегузорем ва аз болояш хуштамъкунанда пошида, хамирро низ аз болояш мерезем. Дар охир панирро аз турбтарошак гузаронида ба болои хамир мепошем ва дар тафдони ҳарораташ 200 дараҷа гарм мепазем.