ДАР ХАТЛОН МАВСИМИ ҶАМЪОВАРИИ ПАХТА ОҒОЗ ШУД


Раиси вилояти Хатлон Қурбон Ҳакимзода имрӯз, 20 август, дар оғоз ҷамъоварии пахта дар пахтазори ҶДММ "Водии заррин", воқеъ дар деҳаи Навкор ноҳияи Кӯшониён ширкат  карда ба онҳо дуои хайр дода барояшон саломатӣ ва барори кор хостаанд.

Дар ин бора шуъбаи таҳлиливу иттилоотии дастгоҳи раиси вилоят хабар додааст.

Тавре гуфта мешавад, баъди ба ҳолпурсии деҳқонон аз тарафи раиси вилоят дар вазъияти тантанавӣ пахтачинон ба кор шурӯъ карданд.
Ҳамчунин Раиси вилояти Хатлон ба гурӯҳи бонувони пахтачин ва чанде аз солмандони деҳа ҳадяҳо супурданд.Лозим ба ёдоварист, ки ҶДММ Иттиҳодияи аграрии "Водии заррин" дар майдони 120 гектар замин пахтаи хушсифатро парвариш кардааст.
 Гуфта мешавад, ки мавсими чиниши ҳосили "тиллои сафед" дар навоҳии Шаҳритуз ва Дӯстии вилояти Хатлон низ оғоз гардидааст.

 «САФО
Добавить комментарий
Маҷалаи №6-2019