КОРҶӮЁН СОҲИБИ ҶОЙИ БАҲАМОЙӢ ШУДАНД.

Бо ташаббуси мақомоти иҷроияи маҳаллии ҳокимияти давлатии шаҳри Бохтар ва соҳибкорони маҳаллӣ дар маҳаллаи Ғайрати шаҳр барои занону мардони корҷӯ макони махсуси болопӯшидаи ба ҳамойӣ бунёд гардид.
Тавре аз мақомоти иҷроияи маҳаллии ҳокимияти давлатии шаҳр иттилоъ доданд, он дар масоҳати 0,04 гектар сохта шуда, барои 150 нафар пешбинӣ шудааст.
Макони махсуси ба ҳамойӣ имкон медиҳад, ки нафарони корҷӯ аз нурҳои сӯзони офтоб ва барфу борон эмин бошанд.
Бояд гуфт, ки чанд сол боз корҷӯён дар назди терминали мусофиркашонии шаҳри Бохтар, канори роҳ барои пайдо кардани кори ҳаррӯза ҷамъ меомаданд.
Даҳҳо нафар занони корҷӯ зимни суҳбат миннатдории хешро ба мақомоти иҷроияи маҳаллии ҳокимияти давлатии шаҳри Бохтар ва соҳибкорон баён карданд, ки акнун онҳо метавонанд дар ҷойи бехавф ҷамъ омада аз пайи ризқу рӯзии хеш шаванд.
                                                                         Сулаймон Султонов