ИҚДОМИ НЕКИ САРРАЁСАТИ МОЛИЯИ ВИЛОЯТ

Дар арафаи иди саиди Фитр роҳбарияти Сарраёсати молияи вилояти Хатлон ҷиҳати дастгирии ятимону бенавоён, оилаҳои ниёзманд ва бошандагони хонаҳои пиронсолон дар ҳаҷми 10 ҳазор сомонӣ кумак расонид.

Тавре аз дафтари матбуотии сарраёсат ба “Сафо” иттилоъ доданд, ба Ташкилоти ҷамъияти маъюбон ва нобиноёни шаҳри Бохтар ва Ҷамъияти иттиҳоди миллии маъюбон дар ноҳияҳои Қубодиён ва Хуросон аз ҷониби сарраёсат кумаки моддӣ расонида шуд.


Ба хонаи пиронсолони шаҳри Бохтар низ аз ҷониби сарраёсат орд, равған, гӯшт, биринҷ, шириниҳо ва барои пешгирӣ аз бемории коронавирус (COVID – 2019) маводҳои антисептикӣ, ниқобҳои тиббӣ ва 13 намуд дорувориҳои гуногун дастрас карда шуд.

Дасти кумак дароз намудан ба ятимону барҷомондагон ва оилаҳои ниёзманд яке аз фазилатҳои неки инсонӣ ба шумор меравад. Роҳбарияти Сарраёсати молияи вилояти Хатлон тасмим гирифтаанд, ки чунин тадбирҳои неку хайрхоҳонаро пайваста амалӣ намоянд.
Сулаймон СУЛТОНО