ЗАРАДИДАГОН БО ХАЙМАҲО ТАЪМИН ШУДАНД.
Барои мардуми бар асари офати табиӣ зарардидаи ноҳияи Хуросон 31 адад хайма дастрас карда шудааст. Дар ин бора шуъбаи иттилоотию таҳлилии дастгоҳи раиси вилояти Хатлон бо истинод ба Қурбоналӣ Ғуломов, раиси маҳаллаи ба номи Неъматулло Асадулло, иттилоъ додааст.
Тавре манбаъ илова кардааст, ҳамчунин ҷониби мақомоти иҷроияи ҳокимияти давлатии вилоят 2 тонна ва аз ҳисоби
Кумитаи ҳолатҳои фавқулода ва мудофиаи гражданӣ дар ҳаҷми 2 тонна
сӯзишвории дизелӣ дастрас карда шудааст. Феълан бо мақсади бартараф кардани
оқибатҳои офати табиӣ якчанд адад экскаватор, мехлопатаҳо, мошинҳои калони борбар
сафарбар карда шудааст.
Ҳамчунин ба оилаҳои осебдида кумакҳои пулӣ ва маводи озуқа, аз қабили орд,
равған, картошка, пиёз ва ғайра дастрас карда шуда, онҳо бо хӯроки гарми
ройгон таъмин карда, ҳайати табибон ва хизматчиёни ҳарбии Раёсати КҲФ
дар вилояти Хатлон ба онҳо хизмати шабонарӯзӣ расонида истодаанд.
Абубакри ФАЙЗАЛӢ
