ТОРТИ «САБАДИ МЕВАДОР»

Шакар - 2 истакон

Маргарин - 200 грамм

Тухм - 4 дона 

Моддаи ковоккунанда - 1 қошуқча

Орд  

Мева барои ороиш 

Кулчақанд (трубочки)

Лента барои ороиш

Барои крем қабат 

Шакар  - 2 истакон

Тухм - 4 дона

Маска - 250 грамм

Креми болои торт 

Ширқиём - 1 қуттӣ

Маска - 250 грамм

Дар навбати аввал ба зарфе шакар, тухм ва маргаринро андохта болои буғ мегузорем ва то об шудани шакар лат мезанем. Сипас, моддаи ковоккунандаро илова карда, то ҷӯш омаданаш болои оташ медорем. Аз болои оташ гирифта 2,5 истакон ордро ҳамроҳ мекунем ва муддати 1 соат нигоҳ медорем. Хамир агар мулоимтар бошад метавонед каме орд ҳамроҳ кунед. Тобаи тафдонро равған молида зуволачаҳоро болои он тунук мекунем ва дар тафдони гарм пухта мегирем.

Дар ҷараёни пухтан инчунин метавонед креми онро низ омода кунед. Дар  зарфе шир, шакар ва тухмро болои оташ гузошта, то ҷӯш омадан мекобем. Аз болои оташ гирифта, маскаро ба он ҳамроҳ мекунем. Коржҳои пухташударо крем молида муддати 1 соат дар ҳарорати хона мегузорем ва пас аз хунук шудан боз муддати 1 соат дар яхдон нигоҳ медорем.