НАФАҚАГИРОН ЗИЁД ШУДАНД

Теъдоди умумии нафақагирон дар вилояти Хатлон ба ҳолати 1-уми январи соли ҷорӣ 264 ҳазору 661 нафарро ташкил карда, ин нишондод нисбат ба ҳамин давраи соли 2020-ум 7 ҳазору 701 нафар ё ин, ки 3 фоиз зиёд гардидааст.

Сардори Раёсати Агентии суғуртаи иҷтимоӣ ва нафақа дар вилояти Хатлон Саймуъмин Мусозода зимни нишасти матбуотӣ гуфт, ки талаботи моҳонаи нафақагирон дар вилоят бо дарназардошти иловапулӣ ва кумакпулиҳо 86 миллион сомониро ташкил дода, ҳисоби миёнаи нафақа ба 314,79 сомонӣ баробар шудааст.

Номбурда афзуд, ки аз шумораи умумии нафақагирон 206 ҳазору 579 нафарашро гирандагони нафақаи меҳнатӣ ташкил карда, 58 ҳазору 82 нафар нафақаи иҷтимоӣ мегиранд.

Инчунин дар вилоят 56 ҳазору 255 нафар нафақагирони маъюб буда, талаботи нафақаи онҳо дар як моҳ 18,1 миллион сомониро дар бар мегирад.

Дар қайди Раёсату шуъбаҳои Агентии суғуртаи иҷтимоӣ ва нафақаи шаҳру ноҳияҳои вилоят 624 нафар ятими кулл буда, ҳаҷми миёнаи нафақаи онҳо ба 232,24 сомонӣ баробар аст.

Ҳамзамон шумораи маъюбон ва иштирокчиёни Ҷанги Бузурги Ватании солҳои 1941-1945 дар шаҳру ноҳияҳои вилоят 21 нафарро ташкил карда, ҳисоби миёнаи нафақаи онҳо 929,92 сомониро дар бар мегирад.

-Пардохти нафақапулиҳо дар ҳамаи шаҳру ноҳияҳои вилоят пурра тавассути кортҳои пластикӣ ба роҳ монда шудааст,-гуфт Саймуъмин Мусозода.

Сулаймон СУЛТОНОВ,

“САФО”

Похожие новости:

Добавить комментарий

Ахбор

ХАТЛОН. 271 ИНШООТИ СОҲАИ МАОРИФ СОХТА МЕШАВАД 14:28 Хатлон. Дастоварди варзишгарон шоёни таҳсин аст 13:58 ЭМОМАЛӢ РАҲМОН - ПЕШВОИ ҶОИЗАЗЕБИ ҶАҲОН 13:03 ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ 12:57 Қасри фарҳанги ноҳияи Ҷайҳун пурра таъмиру навсозӣ гардид 15:36 СУРУДИ МИЛЛӢ КАЙ САДО ДОД? 15:52 МАН ОРИЁИЯМ, АЗ НАСЛИ ОФТОБ 15:48 БОХТАР – ШАҲРИ РУШДУ БУНЁДКОРӢ 15:59

Маҷаллаи №6-2019

Серхонандаҳо

ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН Қасри фарҳанги ноҳияи Ҷайҳун пурра таъмиру навсозӣ гардид Хатлон. Дастоварди варзишгарон шоёни таҳсин аст ТАҚДИМИ ТАҶҲИЗОТИ НАВ БАРОИ САНҶИШИ СИФАТИ ОБИ НӮШОКӢ ХАТЛОН. 271 ИНШООТИ СОҲАИ МАОРИФ СОХТА МЕШАВАД БОХТАР – ШАҲРИ РУШДУ БУНЁДКОРӢ СУРУДИ МИЛЛӢ КАЙ САДО ДОД? МАН ОРИЁИЯМ, АЗ НАСЛИ ОФТОБ ТАНТАНАИ ИСТИҚЛОЛ ЭМОМАЛӢ РАҲМОН - ПЕШВОИ ҶОИЗАЗЕБИ ҶАҲОН