Маҷаллаи Сафо
Шеъру адаб
Маслиҳати муфид
Номаҳо
Бунёди анбор барои ҳолатҳои фавқулода
Дар ноҳияи Кӯшониён бо ташаббуси Ҳукумати Ҷумҳурии Тоҷикистон ва Сафорати Ҷопон дар Тоҷикистон бо харҷи се миллион сомонӣ анбори захираҳои эҳтиётии маҳсулоти ғайриозуқаворӣ бунёд гардида, мавриди баҳрабардорӣ қарор дода шуд.
Тавре зимни суҳбат сардори бахши кор бо ҷомеаи Раёсати Кумитаи ҳолатҳои фавкулода ва мудофиаи граждании вилояти Хатлон Муродҷон Муҳиддинов иброз кард, иқдоми мазкур ба он хотир амалӣ карда шудааст, ки дар вақти ба вуқўъ омадани ҳолатҳои фавқулода дар як маврид ба ҳазор оилаи зарардида сари вақт маводи аввалия, аз қабили рахти хоб, ҷиҳози рӯзгордорӣ, зарфҳо барои оби нӯшокӣ, бастаҳои беҳдоштӣ ва дастгоҳҳои таъминкунандаи неруи барқ расонида шавад.
Ин анбор бори нахуст дар ҳудуди ҷумҳурӣ дар вилояти Хатлон сохта шуда, дар он ба маблағи 1 миллиону 777 ҳазор сомонӣ 63 номгӯи маҳсулоти ғайриозуқаворӣ захира карда шудааст.
Дар маросими ифтитоҳи он раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон, сафири фавқулода ва мухтори Ҷопон дар Ҷумҳурии Тоҷикистон, намояндаи доимӣ ва ҳамоҳангсози Созмони Милали Муттаҳид дар Тоҷикистон, роҳбарону намояндагони як қатор созмонҳои дипломатӣ ва созмонҳои байналмилалӣ ва роҳбарияти ноҳия иштирок ва суханронӣ карданд.
Аз ҷониби роҳбарияти Мақомоти иҷроияи ҳокимияти давлатии ноҳияи Кӯшониён ҷиҳати ҳамкориҳои мутақобилан судманд ба сафири фавқулода ва мухтори Ҷопон дар Ҷумҳурии Тоҷикистон Такаюки Мияшита “Медали ҳамкорӣ” тақдим карда шуд.
Сулаймон СУЛТОНОВ
Добавить комментарий
Ахбор
Қасри фарҳанги ноҳияи Ҷайҳун пурра таъмиру навсозӣ гардид 15:36СУРУДИ МИЛЛӢ КАЙ САДО ДОД? 15:52МАН ОРИЁИЯМ, АЗ НАСЛИ ОФТОБ 15:48БОХТАР – ШАҲРИ РУШДУ БУНЁДКОРӢ 15:59ҶАЙҲУН-ДАР МАСИРИ СОЗАНДАГИВУ БУНЁДКОРӢ 12:12Истиқлол — сарчашмаи саодат ва омили рушди Тоҷикистони соҳибиқбол 12:08ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН 12:18ТАНТАНАИ ИСТИҚЛОЛ 12:04
Маҷаллаи №6-2019
Серхонандаҳо
Қасри фарҳанги ноҳияи Ҷайҳун пурра таъмиру навсозӣ гардид
БОХТАР – ШАҲРИ РУШДУ БУНЁДКОРӢ
СУРУДИ МИЛЛӢ КАЙ САДО ДОД?
МАН ОРИЁИЯМ, АЗ НАСЛИ ОФТОБ
ТАНТАНАИ ИСТИҚЛОЛ
ҶАЙҲУН-ДАР МАСИРИ СОЗАНДАГИВУ БУНЁДКОРӢ
Истиқлол — сарчашмаи саодат ва омили рушди Тоҷикистони соҳибиқбол
ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН
