Ҳомиёни Ватан Диловари Ватанам

Хизмат дар сафи Қувваҳои Мусаллаҳ дарси мардонагӣ, ҷасорату далерӣ, мактаби обутобёбии ҷавонмардон аст. Бо дарки ин маънӣ ҷавонони ғайюру далер довталабона ба сафи Қувваҳои Мусаллаҳи Ҷумҳурии Тоҷикистон мепайванданд. Ҳамасола сафи ихтиёриён меафзояд, ки ин аз боло рафтани њисси ватандӯстию ватанпарастии ҷавонон дарак медињад.
Диловар Чориев соли 2022 Донишкадаи энергетикии Тоҷикистонро хатм намуд. Чанде аз дӯстон таклиф намуданд, ки ба муҳоҷирати меҳнатӣ ба Россия раванд. Аммо ғурури ҷавонмардӣ ва ҳодисаҳои ахири дар марз рухдода ӯро ором нагузошт.
Ҳимояи марзу буми ин сарзамини муқаддас вазифаи ҷонию ифтихории ҳар ҷавонмард аст,- мегӯяд Диловар. Ҷидду ҷаҳд менамоем, то ин рисолати ҷавонмардиро содиқона адо намоем. Оромии Ватан оромии мост. Хотири ҷамъи модарон, хандаи бегаши кӯдакон, шодию сурур аз амну осоиши кишвар аст. Аз ин рӯ ҷавонони баору номус аввал қарзи муқаддас- хизмат ба Ватанро адо менамоянд,- бо ифтихору сарфарозӣ мегӯяд Диловар.
Бо дуо ва ҳидояти модар дар рӯзи аввали даъвати тирамоҳи Диловар ба Комиссиариати ҳарбӣ ҳозир гардид ва дар қатори дигар ҷавонони ватандӯст ҳоло дар қисми низомии 07017 адои хизмат мекунад.