Фасли гул

Фасли  сабзидану айёми баҳор аст, биё,
Лолаву абзу себарга қатор аст, биё !

Оҳ, ман  сер шудам бе гули рӯят зи ҷаҳон,
Як чаман хандаи гул бар ту нисор аст, биё!

Ғунча бо ғунчаву гул бо гулу себарга ба ҷӯ
Аз туву ишқи ту дар гуфтугузор  аст, биё!

Аз раҳи дур  парафшону парешонгесӯ
Беди маҷнуни сарафганда фигор аст, биё!

Раъд  ғуррандаю  оташ ба дили барқ ниҳон,
Ба тамошои ту ду дидаи чор аст, биё!

Фасли гулҷӯши табиат ҳама ҷо механдад,
Дар чаман мағчаи гул чашми нигор аст, биё!

Хандаи лолаарӯсак бубарад дидаву дил,
Баски ҳамранги гули чеҳраи ёр аст, биё!

Гул  шукуфтасту чаман ранги ҳиноӣ дорад,
Фасли гулбазм ба овои ҳазор аст, биё!
     Сафар Амирхон