КОРХОНАИ БУЗУРГИ КОРКАРДИ МАҲСУЛОТИ НАФТӢ ДАР МОИ «ДАНҒАРА» ОМОДАИ ФАЪОЛИЯТ АСТ

Корхонаи бузурги коркарди маҳсулоти нафтӣ дар Минтақаи озоди иқтисодии «Данғара» феълан пурра барои фаъолият омода буда, интизор меравад, ки он рӯзҳои таҷлили ҷашни Наврӯзи байналмилалӣ ба кор оғоз кунад. Дар ин бора димрӯз 30 январи соли ҷорӣ зимни нишасти матбуотӣ муовини Вазири рушди иқтисод ва савдои Ҷумҳурии Тоҷикистон Тоҷиддин Ҷӯразода иброз доштааст.

«Тибқи нақшаҳо дар ин корхонаи азими коркарди маҳсулоти нафтӣ корҳои сохтмон, озмоиши техникии таҷҳизот ва сохтмони роҳи оҳан пурра ба охир расидаанд. Бо мақсади таъмин намудани корхонаи мазкур бо ашёи хом Ҳукумати Ҷумҳурии Тоҷикистон барои мусоидат ба сармоягузор дар паҳлуи минтақа боз 20 га замин ҷудо намуд, ки дар он роҳи оҳан то ба самти корхона аз ҳисоби маблағҳои сармоягузор бунёд карда шуд. Ин пойгоҳ барои боркунӣ ва борфарории нафт мусоидат карда, механизми иловагӣ барои пешрафти кор мебошад. Корхона алҳол зиёда аз 1350 тонна нафтро барои санҷиш ворид карда, дар ҳолати омодабош қарор дорад»,- илова намуд Тоҷиддин Ҷӯразода.
Ба маълумоти номбура, ҳоло сармоягузори корхона барои ворид кардани ҳаҷми калони нафт бо якчанд давлатҳо, аз ҷумла Қазоқистон ва Россия гуфтушунид дорад. То ин ки нафти зарурӣ сари вақт дар ҳаҷми муайяншуда таъмин карда шавад.
Дар айни ҳол беш аз 90 миллион доллари америкоӣ ба корхонаи мазкур сармоягузорӣ шудааст.
Ёдовар мешавем, ки байни Ҳукумати Ҷумҳурии Тоҷикистон ва Ширкати дорои масъулияти маҳдуди сармоягузорӣ ва рушди «ҲЕЛИ»-и шаҳри Дунъини Ҷумҳурии Мардумии Чин созишномаи сармоягузорӣ ба имзо расида, 9 октябри соли 2014 зимни ҷаласаи навбатии иҷлосияи шашуми Маҷлиси намояндагони Маҷлиси Олӣ ба тасвиб расид.
Барои ташкили истеҳсолоти воридотивазкунанда сохтмони корхонаи истеҳсоли нафт бо иқтидори 1,2 миллион тонна дар як сол дар минтақаи озоди иқтисодии «Данғара» ба нақша гирифта шуд. Корхона дар як шабонарӯз метавонад зиёда аз 1000 тонна нафти хомро коркард намояд.
Ба андешаи коршиносони соҳаи иқтисодиёт, дар сурати ба фаъолият шурӯъ намудани ин корхона зиёда аз 800 нафар бо ҷойи кори доимӣ таъмин карда шуда, андоз аз даромад ва андози иҷтимоӣ ба буҷети давлат равона карда мешаванд. Илова бар ин ширкати мазкур дар оянда метавонад бозори дохилиро бо маҳсулоти сӯзишворӣ таъмин карда, қисми зиёдатии онро ба давлатҳои ҳамсоя содирот намояд.

"САФО"

Похожие новости:

Добавить комментарий

Ахбор

БЕШ АЗ 432 МИЛЛИОН СОМОНӢ РУХСАТПУЛИИ ОМӮЗГОРОН ПАРДОХТ ШУДААСТ 17:40 ПЕШРАФТ ДАР СОҲАИ МАОРИФИ ХАТЛОН: АЗ СОХТМОН ТО ДАСТОВАРДҲОИ ОЛИМПИАДАВӢ 12:36 ЗИЁДА АЗ 27 ҲАЗОР ҚОНУНВАЙРОНКУНИҲО ОШКОР КАРДА ШУД 12:30 ТАТБИҚИ ЛОИҲАИ “ШАҲРИ БЕХАТАР” ДАР БОХТАР 16:57 Дар ноҳияи Абдураҳмони Ҷомӣ 226 иншооти ҷашнӣ мавриди истифода қарор гирифт 13:45 ҶАЙҲУН ДАР МАСИРИ РУШДИ УСТУВОР ВА СОЗАНДАГӢ 14:33 ТАРБИЯРО АЗ КАДОМ СИННУ СОЛ БОЯД ОҒОЗ КАРД? 14:30 БОНУИ МАТИНИРОДА 13:39

Маҷаллаи №6-2019

Серхонандаҳо

РАИСИ ВИЛОЯТИ ХАТЛОН БО РАИСИ ШӮРОИ ДИРЕКТОРОНИ ШИРКАТИ SHAANXI APPLE GROUP CO., LTD. МАСЪАЛАҲОИ РУШДИ ҲАМКОРИҲОИ САРМОЯГУЗОРӢ ВА БОҒДОРИРО БАРРАСӢ КАРДАНД ҶАЙҲУН ДАР МАСИРИ РУШДИ УСТУВОР ВА СОЗАНДАГӢ БОХТАР. ТАРАБХОНАИ “KFC” БА ФАЪОЛИЯТ ОҒОЗ НАМУД Дар ноҳияи Абдураҳмони Ҷомӣ 226 иншооти ҷашнӣ мавриди истифода қарор гирифт БОХТАР. БОЗСОЗИИ МАҶМААИ “ВАҲДАТ” ОҒОЗ ШУД ТАТБИҚИ ЛОИҲАИ “ШАҲРИ БЕХАТАР” ДАР БОХТАР АВФ – БАХШОИШЕ, КИ САРНАВИШТҲОРО ДИГАР МЕКУНАД АВФ – ОҒОЗИ САҲИФАИ НАВИ ЗИНДАГӢ ДАР ВИЛОЯТИ ХАТЛОН НАТИҶАҲОИ РУШДИ ИҶТИМОИЮ ИҚТИСОДИИ НИМСОЛАИ АВВАЛИ СОЛИ 2026 ҶАМЪБАСТ ГАРДИДАНД 1147 НАФАР АЗ МУАССИСАИ ИСЛОҲИИ №3/6-И НОҲИЯИ ЁВОН БА ОЗОДӢ БАРГАШТАНД