ЭЪМОРИ ЗИЁДА АЗ 6200 ИНШООТ

Ҷиҳати шоиста истиқбол намудани ҷашни 35 – солагии истиқлолияти давлатии Ҷумҳурии Тоҷикистон дар ҳудуди вилоят бунёду азнавсозии 6260 бинову иншоот ба нақша гирифта шудааст, ки бештари онҳо коргоҳу корхонаҳои саноатӣ мебошанд. Соли гузашта 128 коргоҳу корхонаҳои саноатӣ бо таъсиси зиёда аз 1600 ҷойи нави корӣ мавриди баҳрабардорӣ қарор дода шуданд. Дар ин хусус муовини аввали раиси вилояти Хатлон Амонулло Салимзода ба намояндагони васоити ахбори омма иттилоъ дод.

Ӯ қайд кард, ки нишондиҳандаҳои кӯтоҳмуҳлати рушди минтақавии вилоят дар соли 2022 ба 33,8 миллиард сомонӣ расида, афзоиш нисбати соли 2021-ум 8,1 фоиз зиёд мебошад.

Нақшаи андоз бо назардошти андози иҷтимоии ғайрибуҷетӣ 103 фоиз таъмин гардида, ба буҷет 2 миллиарду 54 миллиону 800 ҳазор сомонӣ маблағ ворид гардидааст, ки нисбати нақша 60,8 миллион сомонӣ ва нисбати ҳамин давраи соли 2021 ба андозаи 188,5 миллион сомонӣ зиёд мебошад.

Ба соҳаҳои буҷетии вилоят ва шаҳру ноҳияҳо 2454,6 миллион сомонӣ маблағгузорӣ шуда, 2116,5 миллион сомонӣ ё ин, ки 87,5 фоизи маблағҳои буҷетӣ ба соҳаҳои иҷтимоӣ равона карда шудааст.

Дар вилоят 41 лоиҳаи давлатии сармоягузорӣ амалӣ шуда, маблағи азхудшуда 760 миллион доллари амрикоиро ташкил медиҳад.

Ба ҳолати 1 январи соли 2023 дар вилоят 61 ҳазору 935 ҷойҳои нави корӣ таъсис дода шудааст.

Дар ҳамаи шаклҳои хоҷагидории вилоят соли 2022 ҳаҷми истеҳсоли маҳсулоти кишоварзӣ ба 26 миллиарду 41 миллиону 918,3 ҳазор сомонӣ расонида шуда, дар муқоиса ба ҳамин давраи соли 2021 ба андозаи 6,7 фоиз зиёд мебошад.

Соли гузашта ҳаҷми истеҳсоли маҳсулоти саноатӣ ба 10,6 миллиард сомонӣ расида, нисбати соли 2021-ум 1,5 миллиард сомонӣ зиёд мебошад.

Рӯзноманигрон вобаста ба омори барзиёди истеҳсоли картошка, тахриб шудани бинои собиқи театри вилоятии ба номи Ато Муҳаммадҷонов, мушкилоти чор оилаи ноҳияи Кӯшониён, хушкшавии ниҳолҳое, ки ҳамасола шинонида мешаванд, норасоии омӯзгорон, вокуниши шахсони мансабдор ба маводҳои таҳлилӣ, вазъи муассисаҳои томактабӣ, сохташавии нуқтаҳои фурӯши сӯзишворӣ дар маҳали аҳолинишин ва бунёди хонаи матбуот дар ҳудуди вилоят ба муовини аввали раиси вилоят суолҳо дода, ҷавобҳои қаноатбахш гирифтанд.

Сулаймони ДАВЛАТ

Похожие новости:

Добавить комментарий

Ахбор

Бохтар. 1,5 километр роҳ мумфарш карда шуд 15:13 «ПАЁМИ ПРЕЗИДЕНТИ ҶУМҲУРИИ ТОҶИКИСТОН - ПАЁМИ СОЗАНДА ВА КАФИЛИ ТАЪМИНИ РУШДИ БОСУБОТИ КИШВАР» 13:25 БОХТАР. НАСБИ АРЧАИ СОЛИНАВӢ БО БАЛАНДИИ 24 МЕТР 12:27 Ҷ. БАЛХӢ. 8 КИЛОМЕТР РОҲ МУМФАРШ КАРДА ШУД 12:23 ЁВОН. НАСБИ ГУЗАРГОҲИ ЭЛЕКТРОНӢ ДАР КӮДАКИСТОН 12:18 Кӯлоб. Ба дӯконҳои нонпазии шаҳр ангишти ройгон тақдим карда шуд 15:03 Хатлон. Маъракаи кишти пиёзу картошка оғоз шуд 15:26 ЧАҲОР ШОҲҶОИЗА ДАР ОЗМУНИ ҶУМҲУРИЯВИИ "ФУРӮҒИ СУБҲИ ДОНОӢ КИТОБ АСТ" 14:43

Маҷаллаи №6-2019

Серхонандаҳо

2 ШОҲҶОИЗА ВА 26 ҶОЙ ДАР ОЗМУНИ ҶУМҲУРИЯВИИ « ФУРӮҒИ СУБҲИ ДОНОӢ КИТОБ АСТ » НАСИБИ ДОВТАЛАБОНИ ВИЛОЯТИ ХАТЛОН ГАРДИД. “ШОҲНОМА” БА БОХТАР ҲАМ РАСИД БОХТАР. ДАР ДАҲ МОҲ 43 ИНШООТ БУНЁД ШУД БОХТАР. НАСБИ АРЧАИ СОЛИНАВӢ БО БАЛАНДИИ 24 МЕТР Хатлон. Маъракаи кишти пиёзу картошка оғоз шуд Кӯлоб. Ба дӯконҳои нонпазии шаҳр ангишти ройгон тақдим карда шуд Бохтар. 1,5 километр роҳ мумфарш карда шуд Ҷ. БАЛХӢ. 8 КИЛОМЕТР РОҲ МУМФАРШ КАРДА ШУД АЗ РУШОН ТО ДӮСТӢ: ҲАЁТИ ЯК ФИДОИИ МАОРИФ Боғпарвари “Боғистон”