2,4 миллион тонна семент истеҳсол шудааст

Соли гузашта корхонаҳои сементбарории ноҳияи Ёвон ба миқдори 2,4 миллион тонна семент истеҳсол карданд, ки 50 фоизи истеҳсоли ин маҳсулоти сохтмониро дар ҷумҳурӣ ташкил мекунад.

Дар ин хусус иҷрокунандаи вазифаи раиси ноҳияи Ёвон Бахтиёр Шарифӣ зимни нишасти матбуотӣ иттилоъ дод.

Гуфта шуд, ки аз сементи истеҳсолгардида дар маҷмуъ 498 ҳазору 113 тоннаи он ба хориҷи кишвар, аз ҷумла ба Ҷумҳурии Афғонистон ва Ҷумҳурии Узбекистон содирот карда шудааст. Дар баробари семент аз корхонаи “Хуаҷиан Ғаюр индустриал” ба миқдори 505 ҳазору 320 дона гаҷкартон ба хориҷи мамлакат содирот гардидааст. Маблағи маҳсулоти содиротгардида 177 миллиону 572 ҳазор сомониро дар бар мегирад.

Қайд гардид, ки соли сипаригардида дар ҳудуди ноҳия як қатор коргоҳу корхонаҳои саноатӣ мавриди баҳрабардорӣ қарор дода шуданд.

Аз ҷумла дар заминаи корхонаи ҶДММ “Талко Кемикал” коргоҳи истеҳсоли маҳсулоти минералӣ бо иқтидори истеҳсоли 75 ҳазор тонна маҳсулот дар як сол ба истифода дода шуд, ки дар он 18 нафар сокинони маҳаллӣ бо ҷойи кори доимӣ ва маоши хуб таъмин шуданд.

-Дар арафаи ҷашни 31 – солагии Истиқлолияти давлатии кишвар корхонаи коркарди пахтаи “Саффир”, коргоҳи хурди равғанбарории ҶДММ “Карипас – 2010”, бо иқтидори коркарди 400 тонна чигит дар як сол, коргоҳи истеҳсоли хишти сементӣ ва ду коргоҳи истеҳсоли нон ва маҳсулоти омехта мавриди баҳрабардорӣ қарор дода шуданд, ки дар онҳо даҳҳо нафар сокинони маҳаллӣ бо ҷои кор таъмин шуданд. Дар соли 2023 бошад ба истифодадиҳии корхонаи истеҳсоли гаҷкартони ҶДММ “Чжунгстай моҳир семент” ба нақша гирифта шудааст, - гуфт Бахтиёр Шарифӣ.

Сулаймон СУЛТОН

Похожие новости:

Добавить комментарий

Ахбор

БАРОИ “БЕҲТАРКУНИИ НИЗОМИ ОБТАЪМИНКУНӢ ДАР НОҲИЯИ ЁВОН” 4,8 МИЛЛИОН ЕВРО ҶУДО МЕШАВАД 13:19 ҶАВОН ВА ВАТАН: МАСЪУЛИЯТ, ДОНИШ ВА САДОҚАТ 15:04 ХАТЛОН: НАЗДИК БА 80% ДУХТАРОНИ СИННИ 10 – 14-СОЛА ИММУНИЗАТСИЯ ШУДАНД 14:48 ҶАЙҲУН. БЕШ АЗ ЯК КИЛОМЕТР РОҲ МУМФАРШ КАРДА ШУД 15:15 ЁВОН. НАҚШАИ ҶАМЪОВАРИИ ҲОСИЛИ ПАХТА ИҶРО ШУД 11:33 ФАРРУХЗОДАҲОИ МИЛЛАТ 11:38 ПАНҶ. ИММУНИЗАТСИЯ БЕШ АЗ 70 ФОИЗ ИҶРО ШУДААСТ 11:25 ЭЪЛОН. "ҚАЛАМИ ДОНИШҶӮ" 10:51

Маҷаллаи №6-2019

Серхонандаҳо

НАМОИШГОҲИ МАҲСУЛОТИ КИШОВАРЗӢ, САНОАТӢ, ҲУНАРҲОИ МАРДУМӢ ВА ТАОМҲОИ МИЛЛИИ ВИЛОЯТИ ХАТЛОН ДАР ҚАЗОҚИСТОН БАРГУЗОР МЕГАРДАД ЯК ВОЯИ GARDASIL САРАТОНИ ГАРДАНАКИ БАЧАДОНРО ПЕШГИРӢ МЕКУНАД СЕМИНАРИ ОМӮЗИШӢ БО ҒОЛИБОНИ ОЗМУН Бохтар. Бозсозии муҷассамаи Абӯабдуллоҳи Рӯдакӣ РӮЗНОМАНИГОРИ БОХИРАДИ САДСОЛА ҶАЙҲУН. БЕШ АЗ ЯК КИЛОМЕТР РОҲ МУМФАРШ КАРДА ШУД ПАНҶ. ИММУНИЗАТСИЯ БЕШ АЗ 70 ФОИЗ ИҶРО ШУДААСТ Иҷрои дурнамои ҷамъоварии пахта дар Леваканту Бохтар КИТОБХОНАИ ОММАВИИ ВИЛОЯТИ ХАТЛОН ПАС АЗ БОЗСОЗӢ БО ИШТИРОКИ РАИСИ ВИЛОЯТ БА ИСТИФОДА ШУД ЁВОН. НАҚШАИ ҶАМЪОВАРИИ ҲОСИЛИ ПАХТА ИҶРО ШУД