Таъмири асосии 288 километр роҳ дар як сол

   Бо ташаббуси соҳибкорони маҳаллӣ ва шахсони саховатпешша, давоми соли гузашта 215 километр роҳҳои автомобилгарди ҳудуди вилояти Хатлон таъмири асосӣ карда шудаанд. Дар ин баробар 271 километр таъмири ҷорӣ ва 333 километри дигар сангфарш карда шуд. 
Дар ин бора сармуҳандиси Муассисаи давлатии Идораи хоҷагии роҳҳои автомобилгарди минтақаи Бохтари вилояти Хатлон Музаффар Холиқов иттилоъ дод. 
Ӯ ҳамчунин афзуд, ки дар соли гузашта бо маблағгузории Вазорати нақлиёти мамлакат ва ташаббуси идораҳои роҳҳои автомобилгарди шаҳру ноҳияҳои вилоят дар маҷмӯъ 17 километр таъмири асосӣ, 2081 километр таъмири ҷорӣ ва 52 километр роҳҳои ҳудуди вилоят сангфарш карда шуда, инчунин 77 пулу қубурҳои гуногун аз таъмир бароварда шуданд. 
Дар маҷмӯъ дар соли сипаригардидаи 2022 ба маблағи умумии 156,5 миллион сомонӣ роҳҳои автомобилгарди ҳудуди вилояти Хатлон таъмиру азнавсозӣ гардиданд. 
Сулаймони Султон