Маҷаллаи Сафо
Маслиҳати муфид
Номаҳо
Ҳамоиш оид ба қонунигардонии маблағҳо ва дороиҳо
Дар ин вохӯрӣ масъулини ташкилотҳои қарзии молиявӣ, сокинони шаҳру ноҳияҳои Бохтар, Левакант, Вахш, Кӯшониён ва донишҷӯёну омӯзгорони Донишгоҳи давлатии Бохтар ба номи Носири Хусрав иштирок намуданд.
Фирдавс Самадов, мудири Шуъбаи минтақавии Бонки миллии Тоҷикистон дар шаҳри Бохтар зимни баромади хеш гуфт, ки дар асоси вазифаҳое, ки дар Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон зикр гардида буданд, Қонуни Ҷумҳурии Тоҷикистон “Дар бораи авф бинобар қонунигардонии дороиҳо ва маблағҳои шаҳрвандони Ҷумҳурии Тоҷикистон” таҳия ва аз 2 июли соли 2021, №1802 қабул гардид.
-Мақсади асосиии қонунигардонии маблағҳо – ҷалби сармояи шаҳрвандон ба иқтисодиёти миллӣ, таъмин намудани шаффофияти манбаи даромад, коҳиш додани ҳиссаи иқтисодиёти пинҳонӣ, бозгардонии дороиҳо ва маблағҳои шаҳрвандони Ҷумҳурии Тоҷикистон ба иқтисодиёти миллии Тоҷикистон, инчунин фаъол намудани сармоягузорӣ ва фароҳам овардани шароити мусоид барои рушд мебошад, - гуфт Фирдавс Самадов.
Гуфта шуд, ки афзалияти Қонуни мазкур дар он мебошад, ки шаҳрвандони Ҷумҳурии Тоҷикистон, ки дороиҳо ва маблағҳои худро мутобиқи ин Ќонун қонунӣ мегардонанд, барои содир кардани ҳуқуқвайронкуниҳои ба ин дороиҳо ва маблағҳо алоқаманд, аз ҷавобгарии ҷиноятӣ, маъмурӣ ва интизомӣ озод мебошанд. Ҳамчунин Қонун барои онҳо имтиёзҳои андозӣ ва кафолатҳои давлатиро пешбинӣ менамояд.
Дар ин ҳамоиш бозраси пешбари Шуъбаи минтақавии Бонки миллӣ Абдунабӣ Мусоев низ баромад карда, ба ҳозирин тамоми нозукиҳои қонунигардонии маблағҳо ва дороиҳои шаҳрвандонро фаҳмонид.
Дар фарҷом миёни иштирокчиён ба таври озод саволу ҷавоб баргузор гардид, ки аксарият ба саволҳои хеш ҷавобҳои қаноатбахш гирифтанд.
Сулаймон СУЛТОН
Добавить комментарий
Ахбор
ХАТЛОН. ВАРЗИШГАРОН БЕШ АЗ 450 МЕДАЛ БА ДАСТ ОВАРДАНД 15:42ИФТИТОҲИ МАҒОЗАИ АРМУҒОН ВА СЕХИ ДУХТИ ЛИБОСҲОИ МИЛЛӢ ДАР КӮШОНИЁН 15:08Манфиат ва зарари шарбати сабзӣ 14:41КОФИРҚАЛЪА- ҲАЛЕВАРД 14:06ЯКУМИН БОР ДАР ТАЪРИХ 14:39НАМОЯНДАГОНИ 40 ДОНИШГОҲИ ХОРИҶИ КИШВАР БА ХАТЛОН ОМАДАНД 13:58"ЗАНИ ШАРҚӢ" 16:26Барои чӣ механизмҳои бозор ба бозбинӣ кардани нархҳои алоқа маҷбур месозанд 15:43
Серхонандаҳо
Булбуле аз гулшани адаб
ИҶОБАТИ ДУОИ ПРЕЗИДЕНТ
ХАТЛОН. ЗИЁДА АЗ 2600 ИНШООТ БУНЁД ШУД
ХАТЛОН. ГУСЕЛИ БОТАНТАНАИ НАВАСКАРОН БА АРТИШИ МИЛЛӢ
БУНЁДИ БЕШ АЗ 320 ИНШООТ ДАР ҲАМАДОНӢ
“САЙРИ ГУЛИ ЛОЛА” ДАР ХАТЛОН
А. Абдусаломзода “ҲУВИЯТИ МИЛЛӢ ВА ТАРБИЯИ ВАТАНДӮСТИИ ҶАВОНОН”-РО БАЛАНД БАРДОРЕМ
ДУОИ РАҲНАМО
САМАРАИ ГРАНТИ РАИСИ ВИЛОЯТ
Дидори ояндабин