ТАРАННУМИ ВАТАН ДАР “САФО”

Маҷаллаи “Сафо” ба ифтихори 30- солагии Истиқлолияти давлатии Ҷумҳурии Тоҷикистон ва 10 - солагии таъсисёбиаш таҳти унвони “Тоҷикистон - ҷавлонгаҳи эъҷоз” ва “Чакомаи истиқлол” ду озмуни эҷодӣ эълон намуд, ки дар рӯзҳои таҷлил аз ҷашни фархундаи миллӣ ҷамъбаст карда шуд.

Дар озмуни “Тоҷикистон ҷавлонгаҳи эъҷоз” суратгирони касбӣ, аксбардорони ҳаваскор, алокамандони соҳа, кормандони нашрияҳои маҳаллӣ, вилоятӣ ва ҷумҳуриявӣ иштирок намуданд.

Аксҳои пешниҳодшудаи иштирокчиёни озмун инъикоскунандаи зебогиҳои диёр, расму оини миллӣ, ҳунаҳои мардумӣ, хушҳолии сокинон, таровати табиат, пурбории зироат ва чеҳрахои мондагор мебошанд. Суратҳое, ки бо сифати баланд бардошта шудаанду манзуну муҳтавои эҷодию бадеӣ доранд, давоми сол дар саҳифаҳои ҳар шумораи маҷаллаи рӯи чоп омада истодаанд.

Ҳамчунин маљаллаи вилоятии «Сафо» ва мақомоти иҷроияи ҳокимияти давлатии ноҳияи Кӯшониён дар ҳамбастагӣ озмуни адабии «Чакомаи Истиқлол»-ро роҳандозӣ намуданд. Дар озмуни мазкур низ доираи васеи шоирону нависандагони соҳибқаламу навқаламони эҷодкор ва рӯзноманигорону равшанфикрон ширкат варзида, дар қолаби жанрҳои гуногун беҳтарин намунаҳои осори назмиашонро, ки тараннумгари арзишҳои миллию ватандорӣ, истиқлолияту ваҳдат ва ободонию шукуфоии диёр буд, пешниҳод намуданд.

Сармуҳаррири маҷаллаи «Сафо» Латофат Мирзосаидиён зимни маросими ҷоизасупорӣ ба ғолибон ва иштирокчиёни фаъоли озмунҳо зикр дошт, ки иқдоми мазкур дар доираи сиёсати фарҳангпарваронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва ба ифтихори ҷашни бошукӯҳи Ватан ташкил карда шуд, ки ҳадафи он баланд бардоштани ҳисси худшиносию ифтихори миллӣ ва тарғибу ташвиқи ғояҳои ватандӯстӣ миёни ҷомеа, бахусус наврасону ҷавонон мебошад.

Мавсуф дар идома шарикии мақомоти иҷроияи ҳокимияти давлатии ноҳияи Кӯшониёнро дар баргузории яке аз озмунҳо нишона аз ҳамкории самарабахш номида, изҳор дошт, ки минбаъд низ чунин ҳамкориҳои дуҷониба бо дигар навоҳии вилоят низ роҳандозӣ мегардад.

Сипас мудири шуъбаи иттилоотию таҳлилилии дастгоҳи раиси вилояти Хатлон Баҳром Миров дар суханронии худ аз иқдоми маҷаллаи «Сафо», ки муассиси он мақомоти иҷроияи ҳокимияти давлатии вилояти Хатлон аст, истиқбол намуда, таъкид дошт, ки доир намудани чунин озмунҳо дар тарбияи маънавиии мардум, завқи эҷодӣ нақши муҳим мебозад.

Бо ҳамин тартиб эҷодкорони умедбахш вобаста ба озмунҳо фикру мулоҳизаи худро баён намуда, иброз доштанд, ки эълон гардидани чунин озмунҳои адабӣ дар сайқал додани маҳорати касбиашон мусоидат менамояд.

Дар қисмати тантанавӣ ба ғолибони озмуни “Чакомаи истиқлол” ва «Тоҷикистон- ҷавлонгаҳи эъҷоз» диплом ва мукофотҳои пулӣ тақдим карда шуд.

МУҲАББАТ

Похожие новости:

Добавить комментарий

Ахбор

ПАЁМИ ПРЕЗИДЕНТ – РОҲНАМОИ РУШДИ БОСУБОТИ КИШВАР 11:06 МАҲБУБИ КӮДАКОН 10:48 2025 – СОЛИ ФАТҲИ ҲАДАФҲОИ БУЗУРГ ДАР ХАТЛОН 10:39 ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ФАРОРАСИИ СОЛИ НАВИ МЕЛОДИИ 2026 10:29 ЭЪЛОМИЯИ КУРУШИ КАБИР – БОЗГӮИ АДОЛАТИ ТАЪРИХӢ 10:34 Дар Хатлон 600 ҳазор дарахт шинонида мешавад 14:36 ХАТЛОН. 60 ФОИЗИ НАФАҚАГИРОН АЗ ҚАЙД ГУЗАШТАНД 14:11 Бохтар. 1,5 километр роҳ мумфарш карда шуд 15:13

Маҷаллаи №6-2019

Серхонандаҳо

ПАЁМИ ТАБРИКИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ ФАРОРАСИИ СОЛИ НАВИ МЕЛОДИИ 2026 БОХТАР. НАСБИ АРЧАИ СОЛИНАВӢ БО БАЛАНДИИ 24 МЕТР «ПАЁМИ ПРЕЗИДЕНТИ ҶУМҲУРИИ ТОҶИКИСТОН - ПАЁМИ СОЗАНДА ВА КАФИЛИ ТАЪМИНИ РУШДИ БОСУБОТИ КИШВАР» Бохтар. 1,5 километр роҳ мумфарш карда шуд Ҷ. БАЛХӢ. 8 КИЛОМЕТР РОҲ МУМФАРШ КАРДА ШУД ХАТЛОН. 60 ФОИЗИ НАФАҚАГИРОН АЗ ҚАЙД ГУЗАШТАНД Дар Хатлон 600 ҳазор дарахт шинонида мешавад ПАЁМИ ПРЕЗИДЕНТ – РОҲНАМОИ РУШДИ БОСУБОТИ КИШВАР МАҲБУБИ КӮДАКОН ЭЪЛОМИЯИ КУРУШИ КАБИР – БОЗГӮИ АДОЛАТИ ТАЪРИХӢ