Маҷаллаи Сафо
Шеъру адаб
Маслиҳати муфид
Номаҳо
ДУ МУАССИСАИ ТАЪЛИМӢ БА ИСТИФОДА ДОДА ШУД
Дар деҳаи Қумшоқи ноҳияи Шаҳритус бо иштироки Вазири маориф ва илми мамлакат, раиси Кумитаи телевизион ва радиои назди Ҳукумати Ҷумҳурии Тоҷикистон муассисаи таҳсилоти миёнаи умумии №32 барои ба таҳсил фаро гирифтани 240 хонанда дар як баст мавриди истифода қарор дода шуд.
Ба иттилои мудири шуъбаи маорифи ноҳияи болозикр Комил Очилдиев сохтмони бинои таълимӣ дар доираи “Барномаи давлатии рушди муассисаҳои соҳаи маорифи вилояти Хатлон барои солҳои 2017-2021” ба нақша гирифта шуда буд.
Иншоот бо харҷи 1 миллиону 300 ҳазор сомонӣ бунёд шуда, корҳои сохтмонӣ соли 2019 оғоз гардида буд. Фармоишгари иншоот Раёсати сохтмони асосии назди Вазорати маориф ва илми Ҷумҳурии Тоҷикистон буда, корҳои сохтмонӣ аз ҷониби ҶДММ “Баракати Сарбанд” иҷро гардиданд.
Муассисаи таълимӣ як ошёна буда, дорои 8 синфхонаи таълимӣ, аз ҷумла синфхонаи компютерӣ, ҳуҷраи кории директор ва хонаи муаллимон мебошад.
Ҳамчунин дар ин боргоҳи маърифат буғхона, ҳавзи нигоҳдории об ва дигар инфрасохтори зарурӣ тибқи лоиҳа сохта шудааст.
Инчунин дар деҳаи Айвоҷи ин ноҳия бо иштироки меҳмонони дар боло зикргардида бинои иловагӣ дар назди муассисаи таълимии №54 барои ба таҳсил фаро гирифтани 349 хонанда мавриди баҳрабардорӣ қарор дода шуд.
Сулаймон СУЛТОНОВ
Добавить комментарий
Ахбор
Қасри фарҳанги ноҳияи Ҷайҳун пурра таъмиру навсозӣ гардид 15:36СУРУДИ МИЛЛӢ КАЙ САДО ДОД? 15:52МАН ОРИЁИЯМ, АЗ НАСЛИ ОФТОБ 15:48БОХТАР – ШАҲРИ РУШДУ БУНЁДКОРӢ 15:59БЕШ АЗ 432 МИЛЛИОН СОМОНӢ РУХСАТПУЛИИ ОМӮЗГОРОН ПАРДОХТ ШУДААСТ 17:40ПЕШРАФТ ДАР СОҲАИ МАОРИФИ ХАТЛОН: АЗ СОХТМОН ТО ДАСТОВАРДҲОИ ОЛИМПИАДАВӢ 12:36ЗИЁДА АЗ 27 ҲАЗОР ҚОНУНВАЙРОНКУНИҲО ОШКОР КАРДА ШУД 12:30ТАТБИҚИ ЛОИҲАИ “ШАҲРИ БЕХАТАР” ДАР БОХТАР 16:57
Маҷаллаи №6-2019
