Аёдати собиқадорон

Дар арафаи Рӯзи матбуоти тоҷик аҳли қалами маҷаллаи «Сафо» бо ҷонибдорӣ аз сиёсати пешгирифтаи Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон ва нақшачорабинии мақомоти иҷроияи ҳокимияти давлатии вилояти Хатлон аёдати собиқадорони матбуотро анҷом доданд. 

Дар ин амали нек Латофат Чориева – сармуҳаррири маҷалла бо собиқадорон Саттор Қарахонов, Амиршои Хатлонӣ, Саидҷаъфар Сафархоҷаев, Фақир Саъдуллоев суҳбат намуда, аз ҳолу рӯзгорашон пурсон шуд. Аз ҷумла, оид ба саҳми онҳо дар рушди матбуоти тоқик ва дастгирии кадрҳои ҷавон ёдовар шуда, барои саҳми назаррас гузоштанашон дар ин соҳа сипосгузорӣ намуд ва онҳоро бо ҷашнҳои дар пешистодаи 11 март – Рӯзи матбуоти тоҷик ва Наврӯзи Аҷам шодбош гуфта кумаки молӣ расонид.

Инчунин бахшида ба Рӯзи модар эҷодкорон аз ҳолу рӯзгори омӯзгори собиқадор Адолат Сабуроваро, ки ҳамсари шодравон Абдувалӣ Абдувоҳидов, журналисти варзида ва нахустин сармуҳаррири маҷаллаи «Сафо» буданд, аёдат намуданд. 

Собиқадорони матбуот аз ин амали нек рӯхбаланд шуда, бо шукргузорӣ аз тинҷию оромӣ ва суботи ҷомеа барои аёдати онҳо дар рӯзҳои хотирмон изҳори сипос намуданд.