Парчамат бодо парафшон, Тоҷикистонам!

Парчами давлатии Ҷумҳурии Тоҷикистон дар баробари Нишон ва Суруди миллӣ рамзи давлатдорӣ, худшиносиву худогоҳӣ, ифтихору сарфарозӣ ва ҳувияти миллии мардуми тамаддунофари тоҷик маҳсуб меёбад. Имрӯз мардуми тоҷик 28-умин солгарди ҷашни яке аз рамзҳои давлатии худ – Парчами миллиро дар фазои сулҳу субот таҷлил менамоянд.
Субҳи имрӯз дар толори театри мусиқӣ - мазҳакавии ба номи Ато Муҳаммадҷонови шаҳри Бохтар бо иштироки муовини раиси вилоят Фирӯза Шарифӣ ва роҳбарону кормандони ташкилоту муассисаҳои вилоятӣ ва шаҳрӣ Рӯзи Парчами миллӣ бо шукӯҳу шаҳомат баргузор гардид.
Дар оғоз Фирӯза Шарифӣ табрикоти раиси вилояти Хатлон Қурбон Ҳакимзодаро ба диққати ҳозирин расонида, мардуми вилоятро бо ин санаи фархунда муборакбод намуд.
Дар қисмати фарҳангии чорабинӣ ҳунармандони фарҳанги шаҳру вилоят бо суруду мусиқии дилнавоз хотири иштирокдоронро шод намуданд.
                         Махфират ШОИМОВА