ЛУИЗА ГЛЮК -ҶОИЗАДОРИ НОБЕЛ ДАР СОҲАИ АДАБИЁТ

Ҷоизаи Нобел дар соҳаи адабиёт дар соли 2020 ба шоири амрикоӣ Луиза Глюк дода мешавад.  Дар ин бора сомонаи расмии ҷоизаи Нобел хабар додааст.
 Инак, имсол, ба фарқ аз солҳои дигар аксари нависандагон, устоди шеър ҷоизаи мӯътабарро соҳиб шуд. Ёдовар мешавем, ки дирӯз ҷоизаи Нобел дар соҳаи химия ба ду нафар олимзанон дода шуд.

Ҷоизаи Нобел — яке аз бонуфузтарин ҷоизаи байналхалқӣ мебошад, ки ҳар сол барои тадқиқотҳои барҷастаи илмӣ, ихтирокориҳои револютсионӣ, саҳми бузург дар фарҳанг, рушди ҷомеа супорида мешавад.

Ҷоизаи Нобел мувофиқи меросномаи Алфред Нобел (соли 1895) таъсис ёфтааст. Дар соли 1901, нахустин ҷоизаҳои ин бунёд эҳдо шуд. Тибқи васияти ӯ, панҷ ҷоиза ба таври солона дар риштаҳои физик, химия, физиология ва пизишкӣ, адабиёт ва сулҳ ба афроде дода мешавад, ки бештарин хидматро ба мардум карда бошанд. Шашумин ҷоиза, яъне ҷоизаи ёдбуди Нобели илмҳои иқтисодӣ низ соли 1968, тавассути Бонки марказии Шветсия таъсис дода шуд, ки албатта дар феҳристи ҷоизаҳои марбут ба бунёди Нобел ҷой надорад.

Андозаи Ҷоизаи Нобел 10 млн кронаи шведӣ (қариб 1,05 млн евро ё 1,5$ млн доллари ИМА)-ро ташкил медиҳад.