Маҷаллаи Сафо
Чеҳра
Маслиҳати муфид
Номаҳо
БОЗДИДИ РАИСИ ВИЛОЯТИ ХАТЛОН ДАВЛАТАЛӢ САИД АЗ ПАРКИ САНОАТИЮ ЛОГИСТИКИИ ВИЛОЯТИ НОВОСИБИРСК
НОВОСИБИРСК, 13 ноябр. Дар доираи сафари корӣ ба Федератсияи Россия Раиси вилояти Хатлон Давлаталӣ Саид аз Парки саноатию логистикии вилояти Новосибирск боздид намуда, бо роҳбарияти он мулоқот анҷом доданд.
Зимни боздид ба ҳайати вилояти Хатлон имкониятҳои истеҳсолӣ, инфрасохтори муосир ва шароити мусоиди фаъолияти Парки саноатию логистикӣ муаррифӣ гардиданд.
Парки саноатию логистикии вилояти Новосибирск яке аз бузургтарин паркҳои саноатии Сибир ба ҳисоб рафта, дорои маҷмӯи пурраи инфрасохтори муосир барои ҷойгир намудани корхонаҳои истеҳсолӣ ва ширкатҳои логистикӣ мебошад.
Ҷойгиршавии мусоиди парк дар наздикии шаҳри Новосибирск, ки яке аз марказҳои бузурги иқтисодию маъмурии Россия ба шумор меравад, инчунин мавҷудияти инфрасохтори пуриқтидори нақлиётиву логистикӣ барои интиқол ва тақсимоти самараноки молу маҳсулот заминаи мусоид фароҳам овардааст.
Тавассути ин имкониятҳо ширкатҳои дар ҳудуди боғ фаъолияткунанда метавонанд маҳсулоти худро на танҳо ба бозори Сибир, балки ба минтақаҳои Шарқи Дур, Осиёи Марказӣ ва Ҷумҳурии Мардумии Чин низ бароранд.
Ҳамчунин, ҳудуди парк бо тамоми инфрасохтори зарурӣ таъмин буда, шабакаҳои муҳандисию коммуникатсионӣ дар наздикии қитъаҳои замин ҷойгир шудаанд, ки барои ба таври фаврӣ пайваст намудани корхонаҳои нав ба онҳо шароити мусоид фароҳам меорад.
Зимни мулоқот масъалаҳои истифодаи таҷрибаи пешқадам дар самти таъсиси паркҳои саноатӣ, ҷалби сармоя, рушди иқтидори истеҳсолӣ ва густариши ҳамкориҳои иқтисодию сармоягузорӣ мавриди таваҷҷуҳ қарор гирифтанд.
Боздид аз ин маҷмааи саноатию логистикӣ барои омӯзиши таҷрибаи муосири ташкили инфрасохтори саноатӣ ва баррасии имкониятҳои татбиқи чунин лоиҳаҳо дар вилояти Хатлон муҳим арзёбӣ мегардад.
Хадамоти матбуоти раиси вилояти Хатлон
Добавить комментарий
Ахбор
ЭМОМАЛӢ РАҲМОН — ПЕШВОИ МИЛЛАТ ВА БУНЁДГУЗОРИ МАРҲИЛАИ НАВИ ДАВЛАТДОРИИ ТОҶИКОН 11:29ТАҶЛИЛИ РӮЗИ ПРЕЗИДЕНТ ДАР ВИЛОЯТИ ХАТЛОН 11:34Пешвои миллат ва рушди соҳаи тандурустӣ: аз сиёсати созанда то тарбияи мутахассисони ҷавобгӯ 11:25ҶАЛАСАИ КОРИИ РАИСИ ВИЛОЯТ ТАРИҚИ МАҶОЗӢ БАРГУЗОР ГАРДИД 11:21ПАЁМИ ТАБРИКОТИИ РАИСИ ВИЛОЯТИ ХАТЛОН ДАВЛАТАЛӢ САИД БА МУНОСИБАТИ РӮЗИ ПРЕЗИДЕНТИ ҶУМҲУРИИ ТОҶИКИСТОН 11:17Заминаҳои таърихии Рӯзи Президенти Ҷумҳурии Тоҷикистон 11:14БЕМОРИИ ҲОРӢ. ПЕШГИРӢ ВА ТАБОБАТИ ОН 11:09ПРЕЗИДЕНТ — РАМЗИ СУБОТ, ВАҲДАТ ВА РУШДИ УСТУВОРИ ДАВЛАТДОРӢ 11:02
Серхонандаҳо
ДАВЛАТАЛӢ САИД БО САФИРИ БЕЛАРУС МАСЪАЛАҲОИ ГУСТАРИШИ ҲАМКОРИҲОИ ТИҶОРАТИЮ ИҚТИСОДӢ ВА КИШОВАРЗИРО БАРРАСӢ КАРДАНД
ФОРУМИ БАЙНАЛМИЛАЛИИ САРМОЯГУЗОРИИ «ХАТЛОН ИНВЕСТ – 2026» ДАР ШАҲРИ БОХТАР БАРГУЗОР МЕГАРДАД
РОССИЯ: ИШТИРОКИ РАИСИ ВИЛОЯТИ ХАТЛОН ДАВЛАТАЛӢ САИД ДАР ФОРУМИ II КИШОВАРЗИЮ ОЗУҚАВОРИИ СИБИР
ҶАЙҲУН. ҲОСИЛИ САБЗӢ ФАРОВОН АСТ
РАИСИ ВИЛОЯТ БО РАИСОНИ ШАҲРУ НОҲИЯҲО ҶАЛАСАИ КОРИИ МАҶОЗӢ БАРГУЗОР НАМУДАНД
БОЗДИДИ РАИСИ ВИЛОЯТИ ХАТЛОН АЗ РАФТИ СОХТМОНИ БИНОИ НАВИ ТАЪЛИМӢ ДАР ШАҲРИ ЛЕВАКАНТ
ИШТИРОКИ РАИСИ ВИЛОЯТ ДАР МАЪРАКАИ ПАХТАЧИНӢ ВА СУҲБАТ БО РАИСОНИ ҶАМОАТҲО ДАР НОҲИЯИ АБДУРАҲМОНИ ҶОМӢ
ШИНОСОИИ РАИСИ ВИЛОЯТ АЗ МАКОНИ БУНЁДИ НИШОНИ ДАВЛАТӢ ДАР НОҲИЯИ АБДУРАҲМОНИ ҶОМӢ
МУЖДА: ШАҲРИ ЛЕВАКАНТ ДУРНАМОИ ҶАМЪОВАРИИ ҲОСИЛИ ПАХТАРО 100 ФОИЗ ИҶРО КАРД
БОЗДИД АЗ РАВАНДИ МУМФАРШКУНИИ РОҲИ МОШИНГАРДИ ДЕҲАИ КӮШОНОБОДИ НОҲИЯИ АБДУРАҲМОНИ ҶОМӢ




